شعر شعبي اكشر

سبحانك يربي شلون من سواج
جمالج ظل رمز للعالم سطوره

ربج صورتج سواه (ثلث أبعاد)
(بالفوتو) شتغل صممهه للصوره

على راسج نهر اسود ضفافه بعيد
وبدال الكذله خله ونصب نافوره

عربت الكصه فاعل بس طلع مجرور
بالحاجب طلع ياناس مجروره

وجهج نص شمس والنص كمر خلا
وصفه اعله الضرير يطيب من نوره

والشفه عسل تروي ضمه العطشان
ولحد الان ضل الضامي حزوره

ووسط صدرج بحور الكون كلهه تفوت
لن ربج وسطهن سخر بحوره

وعلى صدرج بعد ماخلص التصميم
على كل جزء منهن خله بلوره

ووكفت الوصف لن بالوصف اغتاض
اخاف انزل بعد خليج مستوره

وراهن عل حكومه اليوم لو شافوج
يسلموج الرئاسه ومجلس الشوره