حقيقه التغيير
***************
كلنه الوكت تبدل انشاءالله خير ايصير
وجتنه وادم كلهه( xl) الحجم
شو رجعونه لوره مثل(?) البعير
يا هو اتلزمه دكتوراء من اهل العلم
*************************
ووكت الانتخابات اتدوخ واتحير
كل واحد ايصيح انه المهم
وشعاراتهم بناء زائد تعمير
والنتيجه صارو معاول هدم
*************************
بيهم ابد ماتلكه تقصير
لان كل ايامنه صارت عطل
وذا مره سالت اعله الضمير
راح تتوبخ ويمكن تنشتم
*************************
ماجلان واحدهم من دوله لدوله يطير
واحنه بالداخل صرنه لازم ننكفل
والوطن صار جكليت انطش بزفة فقير
فزعت عليه ازغار واكبار التلم
*************************
والاخ اذا صار بمنصب لو مدير
تخمه تصير عنده وعسر الهظم
والرعيه لو صحتلهم خبزة اشعير
واطفالنه فوح تشرب ابدال العصير
حتى تنبغ بالدراسه وتفتهم
***********************
بس الجوع هو ليرسم مصير
والمحنه مخاض اتولد زلم
يلله ياشعبي اصحه واستنير
واطرد الذيابه لهمت عظامك لهم
************************
اخوكم/ طالب الناصري
