بكيفه ليحب الهوى اشكال
واشوف الغزل...
بس بيك لايك
الك ابث اشجاني
وعسر الحال
لان كلبك جبير
وملجأ العاشك
بكثرشوك اهوارنه..
لذيج الجبال
مشتاكه روحي ..
وياك تتشابك
ونطرتك عيد..
بيه انته هلال
ايفرح يتيم ..
من الاه متضايك
انساك وابيع برخص
من كال
وأنه بحضنك انامن
نوم محتام ومفارك
.............................
بعيوني تتمرجح حلم
يسامرني بدلال ..
مسامر فرات لدجله
وجرحك بيه ينزف
وشوغاته حيل اثكال
مااكولن آخ...
شماطال وكته
الملل بيك استنارت
يلشمسك ...
مطلكه الزوال
ليش الدرب عفته
ياغضبة صكر ..
ميهاب حجارة المحجال
نغيط الغربان اسمعته
شجاك وغيضك غضنفر
وكت الزعل جتال
سنين يوسف كظن
وانته سكته
بقلم/ طالب الناصري
