اعذر گلبي لمن توصل منيته

مجنون أبمحبتك يا اعز إنسان

يا أجمل قصيدة و أحلى معزوفة
يا مالك خيالي و فكري يا معسول
اكتب بس إلك كل شعري و حروفه
قافيتي شفافك و الوزن رمشين
و عيونك بحور الشعر موصوفة
صوتك عدّة بالغبشة نغم فيروز
و ام كلثوم من قاموسي محذوفة
يا كلشي بحياتي و يا فرح دنياي
يا من شلت من گليبي كل خوفه
ما أضنك تبيع و لا أبيعك يوم
اكو واحد يبيع گليبه و يعوفه
يالحسنك عجيب و ما اضن موجود
إذا تطلع نشوف الشمس مكسوفة
و خطية الگمر يبچي و يون تالي الليل
حدر الغيم يختل صابته الخوفة
يالحسنك ينوّر كل ظلام الكون
إذا قرص الشمس مكسوف ذليته
و گمر ليل المحبّة بشوفتك مقهور
إذا حتى الگمر بالليل بچيته
و گلوب الشباب تفرفح امن تفوت
و الشايب بعطرك اضن شليته
و نسوان ألتشوفك منك يغارون
و ألبعده مراهق نظرة أمنيته
و الطفل إلّي يرضع بعده بالكاروك
ضل يمشي وراك و يحچي خليته
و إذا شرطي طلب مني هويتي بيوم
أبرز صورتك تشتعل بيبيته
يفتحلي الطريق بصورتك مبهور
إجلالاً يدنگ و يذب بيريته
جنسيتي محبتك تدري كلش زين
شنو قيمة ليضيّع يوم جنسيته
حبك غيراني و صرت أموت عليك
شتلت گليبك بنص گلبي و سگيته
و الدم إلّي يسري بجسمي ما أحس بيه
دمك يسري بالشريان حسيته
انت العلمتني العشگ و الإحساس
فضلك عالگلب لن يدگ خليته
علّمته البراءة و طفل صار وياك
يمشي و ما يريد ايرد على بيته
يا أجمل بشر خالقك رب الكون
يا أطيب گلب بالصدفة لاگيته
يا أوفى البشر يا حلمي يا دنياي
يا أول شخص من گلبي حبيته
شلت كل المواجع من گلب تعبان
بيدك جرح لبدلّالي داويته
يا اسمي الثلاثي و گمر تالي الليل
رسمك بالگلب و بدمي خطّيته
يا قوس و قزح يا مثل للعشاگ
يعشگ گلبي حد الشيب وصيته
فرض سادس أشوفك صار تالي الليل
نسيت الخمسة و السادس أنا أديته
صدّگني احبك حد گطع لأنفاس
لأنك انت حلمي إلّي تمنيته
تمنيتك گبل ما أشوفك امن سنين
حبك بالگلب من زغري ربيته
ما أضيعك من ايدي و لا أفرّط بيك
إلا بحالة گلبي يعوف جنسيته
إذا يلفي عليّة بليلة ملك الموت
اعذر گلبي لمن توصل منيته

منقول

ارجو كتابة عبارة منقول للأمانة الأدبية ومنعا للحذف لاحقا

نقل جميل
احساس رائع
كلمات في غاية الجمال
دام احساسك
تمنياتي لك بالخير والسلامه

ما أضنك تبيع و لا أبيعك يوم
اكو واحد يبيع گليبه و يعوفه

ابداع متواصل وكلمات في غاية الروعه

اقتباس:

---

المشاركة الأصلية كتبت بواسطة طالب الشمري

الله الله الله الله
كلمات رقيقه وشفافه
لك مني اجمل وارق تحيه
تقبلي تواضع مروري طالب الشمري
مر من هنا

---

شكرا لك اخي طالب الشمری
لما نثرت بحضورک من روعة وجمال

دمت بكل احترام

تحياتي لك

اقتباس:

---

المشاركة الأصلية كتبت بواسطة زهير العقابي

نقل جميل
احساس رائع
كلمات في غاية الجمال
دام احساسك
تمنياتي لك بالخير والسلامه

---

شکرا ع مرورک الکریم
لاننحرم من حضورک
تحیتی

اقتباس:

---

المشاركة الأصلية كتبت بواسطة الشايب العراقي

ما أضنك تبيع و لا أبيعك يوم
اكو واحد يبيع گليبه و يعوفه

ابداع متواصل وكلمات في غاية الروعه

---

حضورک اروع نورت صفحتی بجد
تحیتی وکل احترامی لک ولحضورک

نجوى

سلمت ناملك
تحياتي

شکرا ع مروک المتواضع
نورت بجد
تحیتی