خلصت دمع ورحت اشتري دموع ...كاضم اسماعيل الكاطع

ترست جيوبي هم ورحت للسوك
خلص دمعي ورحت ارد اشتري دموع !!
شفت بياع عارض كومة عيون ...
مستهظم دمعها وصوته مسموع ...
كتله اسمحلي اكلب كال مرخوص ..
استنكي براحتك شتريد يانوع ؟؟
كتله انته على عرفك شوفلي ثنين ..
تكفيني الدموع البيهن اسبوع !!
كلي انطيك دمعي ؟! يجدك سنين ..
جربه وشوف اذا موزين .. مرجووووووع



وعصرت ضلوعي لمن صارن دموع ..
وسويت الكلب لضلوعي ماعون ...
واحس العمر خلص والاجل حان ..
واريد اطلب طلب .. من اليدفنون ؟
كبل مايدفنوني .. ويحزن السوك
وكبل ما بالجنازة الناس .. يمشون
بدمع رايدهم يغسلوني مو ماي
واريد يصير كبري
بسوك العيون.........

ترست جيوبي هم ورحت للسوك
خلص دمعي ورحت ارد اشتري دموع !!
شفت بياع عارض كومة عيون ...
مستهظم دمعها وصوته مسموع ...
كتله اسمحلي اكلب كال مرخوص ..
استنكي براحتك شتريد يانوع ؟؟
كتله انته على عرفك شوفلي ثنين ..
تكفيني الدموع البيهن اسبوع !!
كلي انطيك دمعي ؟! يجدك سنين ..
جربه وشوف اذا موزين .. مرجووووووع
عاشت الایادی
من حسن حظی بان اکون اول من یشارک بموضوعک الجمیل
تحیاتی لک

شكرا لكم اخواني واخواتي للردود الحلوه

نورتو الموضوع بهل طله الرائعه

تحياتي