احاجيك وتحاجيني -بين الامام الحسن والزهراء صلوات الله عليهم

بسم الله الرحمن الرحيم
السلام عليكم ورحمة الله وبركاتة
اللهم صلي على محمد وال محمد
احاجيك بجبد منثور-*- وتحاجيني بضلع مكسور
انه الزهره هضموني-*- عله المسموم واسوني
انشدك ياضلع عن الجبد واشكيه -*-عله مصاب الحسن طايح وادور عليه
شكلك ياجبد عن الخدر واحجيه -*- ترى مصايب لفتنه بهالزمان البيه
انشدك بالوصي الكرار ------*------- وبحزن النبي المختار
بدمعي لاتلوموني ------*------- عله المسموم واسوني
وتحاجيني بضلع مكسور
----*----
اجيك بليلة الوحشه واظل يمك-*- واعطر كبرك الطاهر بعطر دمك
انه الزهره الزجيه الي لفت يمك-*-الوصي وجبريل والهادي بجى لسمك
نعم الضيف خطارك------*------- اجوا هاليوم زوارك
عله مصابك يعزوني----*------ عله المسموم واسوني
وتحاجيني بضلع مكسور
----*----
انه الكاصد يايمه من كصدتيني-*-اشم كبرج وبعطرج ترويني
ما مهضوم عله جبدي وتعرفيني-*-بس مهضوم عله فراكج فجعتيني
ياضلع اليضمد جروح------*------- وياجبد الحسن مذبوح
بكسري يالتجبروني-----*------- عله المسموم واسوني
وتحاجيني بضلع مكسور
----*----
عله اثار الجبد اكصد تعنيتك-*- انه الزهره ردت تنهض تمنيتك
انصب ماتم بكبرك لطم جيتك -*- اعزي المرتضه وزينب واهل بيتك
جبدك كطع الدلال -------*------- والحمل حملته جبال
تشفع لليكصدوني ------*-------- عله المسموم واسوني
وتحاجيني بضلع مكسور
----*----
عله اتراب البقيع امساهره وحدي-*- اريد ارسل سلامي الكربله واهدي
بحنين وشوك اهديلك بعد جبدي-*- عله دروب الشهاده تنتظر بعدي
المنايه يالحسن تنخاك----*----- اخذني يالسبط وياك
المجد وياك بظنوني-----*------- عله المسموم واسوني
وتحاجيني بضلع مكسور
----*----
انشدك ياضلع عن العزيز احسين-*- نوحي وصبري واحزاني عله الجفين
اندبك ياكمر ينحب عله السبطين -*- غده ظامي الجبد ومن العطش لاوين
نوايب للزمن عبره----*----- كتاب الله والعتره
جبد وانحور فجعوني---*---- عله المسموم واسوني
وتحاجيني بضلع مكسور
----*----
خادمكم الحاج سامي الكعبي اهديها الى الاخوه والزينبيات الاعضاء والى مصممين ومسؤولين الموقع المبارك

جزاك الله الف خير عزيزي الغالي
على حسن انتقائق وبوح قلمك بانتضار جديدك
دمت بالف خير
لك كل الود والامتنان