نعي لمصاب الامام موسى الكاظم ع

يا شايلين النعش نكلوه بهداي ... كيد ابن جعفر كلف وجروحه هواي


تفجع تره مصيبته ومدوهن الراي ... سبعطعش عام انظلم والقلب مالوم


محبوس تحت الارض والباب ملزوم ... مهظوم كضه العمر ومخالف هموم


مغدور يا سيدي وبالغربه مسموم ... يا من عليك بهضم دم تهمل العين


وين الهواشم تجي اهل الدواوين ... وتشوف كوم الغدر صارت سلاطين


مابرد بعده جمر دم منحر حسين ... مذبوح وبكربلا ما ناشك الماي

رحيم الحسناوي
__________________
من حق اي موالي النشر على حب الحسين وال البيت عليهم السلام

نتقدم الى مقام الامام الحجه المنتظر عجل الله تعالى فرجه الشريف
وعلمائنا الأعلام والأمة الأسلاميه جمعاء وشيعة أهل البيت عليهم السلام
بذكرى أستشهاد راهب بني هاشم الأمام موسى بن جعفر عليه أفضل الصلاة والسلام
اخي رحيم الحسناوي
طيب الله انفاسك وبوركت يمينك
وجزاك الله خير الجزاء
دمت بحفظ الرحمن ورعايته