سهم الصوب دلالي -للزهراء صلوات الله عليها

سهم الصوب دلالي**ياحيدر انت الوالي
كسروا ضلعي ** رحت انخاك
نوحي و دمعي ** رحت انخاك
سهم الصوب دلالي
سهم صوب دليلي صوب المحراب**و لا شاف الزجيه بت نبينه الغاب
من فكدك يابويه والضلع منعاب** ارجاس السقيفه مصدر الاسباب
فكدك نيشان امتوني****بسوط العده الهضموني
لا ما ادعي** رحت انخاك
نوحي و دمعي** رحت انخاك
سهم الصوب دلالي
انفطر كلبي ياحيدر والجرح مالوم**من فعل الاعادي مأسر ومهموم
ما شفتك جبنت مقدر ومحشوم** بتكليف النبي للمرتضه المعصوم
وبصبرك بياض الدين **** وفيت العهد بونين
اتشتت جمعي** رحت انخاك
نوحي و دمعي** رحت انخاك
سهم الصوب دلالي
اختلف وضعي ياحيدر طاحت اغصاني**ابديها بفدك لومن كسر ثاني
زمره ارتدت ورجعت حكم جاني** ظلام الخلافه الاول وثاني
ماهابوا ام العتره **** شوفوا الظلم والسطره
طفوا سمعي** رحت انخاك
نوحي و دمعي** رحت انخاك
سهم الصوب دلالي
حرت ما بين نوحي والجنين الطاح ** وما بينك ياحيدر تصرخ الارواح
مشه وياهم يباصر والضلع نضاح ** ما همني الضلع اندب جفيلي الراح
همني الكرار علومه **** انحب واون مهمومه
تهت ابوضعي** رحت انخاك
نوحي و دمعي** رحت انخاك
سهم الصوب دلالي
نبت بسمار كاسر للضلع جلاد ** ماشاف المجد واكف نصب اوتاد
باحزان الزجيه والمجد لو راد ** المجد لولا علي ماتنذكر امجاد
انشد بسمار ضلوعي**** زيد لهيب دموعي
جرحك ينعي **** رحت انخاك
نوحي ودمعي **** رحت انخاك
سهم الصوب دلالي
بحمل ذاك البدر صاحت ميادينه ** عجز عن الزجيه اطرافه تاذينه
علي القالع حصن خيبر نياشينه** انحنه اكبال النعش ناحت دواوينه
نعش الزهره بجاني **** هيج الالام احزاني
صبرك درعي ****رحت انخاك
نوحي ودمعي **** رحت انخاك
سهم الصوب دلالي
عله زينب تعنت و الدمع مدرار ** من دار الوصي الدار الطفوف ودار
ومن ضلع الزجيه امهشم ابسمار**لضلوع الحسين اموذر باشفار
ضلعك ياخويه وثاره **** وضلعج يالزهره اخباره
سدوا نبعي**** رحت انخاك
نوحي ودمعي **** رحت انخاك
سهم الصوب دلالي
-------------------------------

واحب ان اضيف بعض الابيات تقرا في بداية مجلس حسيني مهداة الى سيدة نساء العالمين روحي لها الفداء

بعيوني بعيوني فاطمه بعيوني
بضعه نبي الرحمان----------------- ناحت يابو الاكوان
بعيوني بعيوني فاطمه بعيوني
هاي الزجيه هاي تندب ابو السبطين-------- تذكر مصاب حسين وتنحب عله الجفين
تذكر ابو الصولات ------------------------ خيبر واحد وحنين
واليها واليها حاميها واليها
ام الخدر والجود ------------------ تندب علي الزود
لو من نواعيها
تصبر عله الاحزان ------------------ بنحر الشهاده طفوف
تنظر عله الوليان ------------------ عن الكمر وجفوف
لو عل مصايب ذيج -------------------احضر يابويه وشوف
يواسيها يواسيها مهدينا يواسيها
صار الظلم والخوف ------------------- انهض يالمهدي وشوف
لو من نواعيها
هاي الشهيده هاي --------------------- بكسر الضلع بالباب
هجموا عله الزهراء -------------------- زمره غدر واذناب
لو ما بياض الدين --------------------- يهجم ياداحي الباب
ينعيها ينعيها النبي ينعيها
بدرب الشهاده تزور ---------------------- ومنها الضلع مكسور
لو من نواعيها
************************************
اسالكم الدعاء

جزاك الله عنا كل خير
وانالك المولى شفاعة الزهراء عليها السلام
كلمات ومعاني تجلت بالنور والمودة لآل بيت العصمة
دام لنا مدادك الموالي
واطيب تحياتي لك