ايكون ابعلمج الدهر يومين
يفرحج يوم اويوم تحزنين
ولا تغرج الدنيا لو ضحكت اهواي
اتبوكج غفل ونتي ما تدرين
واليوم الامنج ورتاحيتي بي
لازم من باجر انتي تخافين
لو صدتي السعادة ابهاذا اليوم
بفخاخ الحزن باجر تنصادين
وليتكبر على الناس حيل واهم
صدكيني اصغير اشوفه العين
يحبيبه الهوا ما يلزم بلئيد
بيد الله الهوا يبنيه همزين
جان من زمان علينه مكطوع
ومتنه من وكت كلنه مختنكين
واذا الفقر هوة الاسباب
سلامج ثكل لما تمرين
جان الدنيه اتعاركت وسودة اصير
وينقسم العالم اثرياء ومساكين
اشمحله العلم والجهل مذموم
وفرق ليخربط ابحجيه وليحجي موازين
ما دامت الغيرج ولج مدوم
ولا تمشي على كيفج مثل ما تردين
الحضه ردي تنعدل ويا
واحسن منج يصير باجر تشوفين
هم احنه مثلج اصتصغرنه الناس
وبتالي عرفنه جنه متوهمين
همة علو ابعلو الغيم
وليورة رجعنه احنه متئخرين
مفطومه من الفقر ومرتاحه اهواي
وشفتينه بلفقر احنه متكمطين
بس عدنه كرامه ما دكينه البيبان
وكلنه يا خلك احنه محتاجين
واعرف الترف والمال مريود
والفقر يجرح مثل جرح السجاجين
بس قسمت الله ورضينه بلمقسوم
وعدنه اخلاق ما توزنهة الميازين
