زينب كصدتك -بين العباس وزينب عليهم السلام

عله أطراف ألشريعه أمكطع ألغالي -*-أنه زينب كصدتك وأنظرألحالي
-*-
كصدتك يافرات أنصب دووايني -*- عله أجفيلي ألتركني وعذب سنيني
مكطوعه ألجفوف وجنهه جفيني -*- وماشوفه صريع يباصر أحوالي
-*-
انه الكاصد يازينب بالكلب ونه -*- واخبرج باليتامه ضلت بضنه
من لوع العطش للمشرعه اتعنه -*-انه امسافر ياخويه وجودي ترحالي
-*-
تعنيتك ياخويه والدرب مسدود -*- واكلك هالعلم يصرخ انه المشدود
ياحمال العلم انهض واحمله اردود -*- نهض صاح العلم هالمشرعه تلالي
-*-
يابن حيدر نخيتك لاتخيب ارجاي -*- رواي ألفواطم وبدليلك ماي
مثل ماركبتني وللضعن حداي -*- ومن عكبك رجعت بهالضعن خالي
-*-
يازينب هألفواطم تكطع الدلال -*- وأذكرج بالنواظر هالطفت بالحال
ياخويه انه تعرفيني الاخو الجفال -*- اروي ايتام واذكر شدة اعيالي
-*-
يابو فاضل معلمنه الاخوه ادروس -*- معروف بخطابه بكربله المدروس
ويالجودك تبده وهالترسنه الطوس -*- يانبع الحميه الغايب الوالي
-*-
أهنا يالبلفرا ت أمكطع الجفين -*- أنشدك هالشفت جثة اخويه احسين
أريدأرسل سلامي والوداع امنين -*- انحنه ظهري وتمايل هالغصن عالي
-*-
أواسي ام البنين بهالجفيل الغاب -*- وأكلهه احنهه ألفكدنه بكربله ألاطياب
بنينج والحسين انشد واريد اجواب -*- رجعت بلا اخو اكصد حزن تالي
-*-
انه ام ألبنين ألفاكده ألوليان -*-أواسي هالعقيله ام الخدر باحزان
وأكلهه عن حسين ألصارع ألطغيان -*- أنكطع كلبي يايمه وطاحت أدلالي
---***----***----***-----****------****-------****----**-----
اسالكم الدعاء

جزاك الله عنا خير الجزاء
على هذه القصيدة الحوارية المؤلمة
والتي توشحت بالحزن والألم واللوعة
طيب الله انفاسك
وأنالك شفاعة الحوراء عقيلة الطالبيين
وعظم الله لك الأجر بمصابها

كل الشكر لك والإمتنان لهذا الحرف الولائي
دمت بحفظ المولى

سامي الكعبي
رسمت بأناملك الرائعه
حوار الابطال
نعم والله ..واي ابطال
السلام على العباس
السلام على زينب
السلام على ام البنين
ولك في العين السلام ياحسين
دموعنا نثرت على متصفحك الطاهر
سامي الكعبي..
طيب الله انفاسك
وجزاك الله خير الجزاء
تمنياتي لك بالخير والسلامه
سامي الكعبي
تقبل مروري