لاتصفن
لاتصفن ترة تنزف الصفنات
وجرح الصفنه ما عاش اليضمدة
الجرف يرتاح من يصفن على الروج
وصفنته تنتحر من تجي المدة
شوف السدة رغم اتعاند الماي
بس الماي ظل حاظن السدة
تذب رمحك علي ما ادري شبيك
زين اشبيك تزعل من اصدة
ردت مدة ويه غيرك حته انساك
اكو غيرك شفت بس ماكو مدة
ويامدة التزيد وكلبي مشلوع
ورغم مشلوع وانته تعيش عندة
احبك واجب واكرهك ممنوع
اشوفك موحلو بس عيد اسميك
اسولف وي اهلي بغير موضوع
اهلي تسودنو جي جبت اسمك
احسك مدري شنهي ابين الضلوع
اكطعت نفسي وعلي تفرض اشمك
اتلوة من سهمك حقي موجوع
وما ترضالي اتلوة من سهمك
وتشطرني بحقد واتصيح اشاقيك
وافرح بالشقه والتم واضمك
بكيفك سوي كلشي انه غلطان
لان انه الي كتلك كول كيفي
اذبحتني وسيف انته بدمي غركان
وتطالبني وتكلي امسحلي سيفي
اذبحتني اتدنه اشبكك ممن اتخاف
ما خفت الله خايف من اذيتي
عزاز بيوم كلبي مشو لعزاز
ولا واحد بقه بس انته ضيفي
بعدك بالكلب رغم الخلافات
المسافات انلغت بينك وبيني
ما ينطيني كلبي ازعل اوياك
بس انشاله كلبي ينطيني
اتوقع يجي فد يوم انساك
بس اتمنه اموت ومايجيني
اعرفك مو الي بس انه اهواك
لان انته الوحيد المالي عيني
قصيدة للمحب
عيدك لابس اسود يمشي وي عاشور
وايد بايد واحد كايد الثاني
علكتك حرز برداني من الخوف
بعدني ما خفت عتيت برداني
وكتبت اسمك طلاسم تطرد الشيطان
ومشه الشيطان عني وصرت شيطاني
بنص خارطه كلبي انته الك عنوان
بخارطتك ادور ماكو عنواني
اذن واجب علينه انغير الاسماء
واتصير انته المحب والحبيب اني
وخندور محب يا محب انه وياك
ومن الكه مكان الي مو تاخذ مكاني
من كد ضيجتي شكبرك واشوفك خيط
واصيرن زرف ابرة وتغفه بأحضاني
انته اكبر عشك وازغر سجن للحب بالكون
والمسجون انه وانته سجاني
وينشدوني عليك اشلونه وظعه وياك
واكلهم مو طبيعي هواي داراني
وتطردني امن ادك بابك واكل للناس
طار امن الفرح لمن تلكاني
اشطبتني من سجلك واكل للناس
نقلني من سجله الكلبه وداني
وبيني وبين نفسي كلت حب مكروة
ماطلعت ثكيله وعكدت الساني
وكالولي يكرهك كلت غلطانين
يكرهني بشقه وبالصدك يهواني
كالو شلع كلبك باك عمرك عدم اهلك
كلت وشبيهه اذا محبوبي شاقاني
وترس اذاني سمعتك كلت على مكروة
واكل لهلي ترة محبوب سماني
وترس ذاني سمعتك كلت علي جاسوس
وكلت لبوي حبيبي ناطور خلاني
وترس اذاني سمعتك كلت خائن هاذ
وكلت ماكال وتسمع غلط اذاني
وترس اذاني سمعتك كلت مو زين
سمعتك الزين بس وال (مو)تعداني
انته لو محب ليش انه ضايع بيك
وافرض ضايع المفروض تلكاني!!!!!!!!!!!!!!!!!!
موطبيعي
كلش مو طبيعي ودخت كلش بيك
وداخت من حجيت وياك كلماتي
بحياتك سيدي وينكالك مولاي
من كد ما دخت كتلك يمولاتي
شفتك غوشت عيني كمت ما شوف
درت وجهي صفح شافتك اذاناتي
تسوة الدنيه عندي من اكعد وياك
وبدونك كلشي ماتسوة دنيتي
امن اطب لبيتكم اشبك على الباب
ويشبكك بابنه من تطب بيتي
فرق ما بين عمري وعمرك اهواي
وكمت لخاطرك اصبغ لحيتي
اتأذه أذا وي غيرك ارتاح
وحيل ارتاح اذا منك اذيتي
ويه غيرك من يردلي العمر ماريد
واريد وياك لو يمك منيتي
قضيتي وياك خلتني ابد ما اشوف
وادعي امن الله ما تنحل قضيتي
عليك العين تبجي ليل ونهار
واكلهه اشعطلج شو مابجيتي
يوصي اهله بجهاله الرايد يموت
وبس اسمك لكو اهلي بوصيتي
اعله غيرك مانحت مابيه عالنوح
وعليك اشكد حلو يونسني نوحي
وكضيت زيارتي بس اندعيلك
ونسيت وداعتك اندعي لروحي
جنت من روحي ضايج كبل ملكاك
وكل ساعه اكول لروحي دروحي
هسه لا بعد من روحي ما اضوج
اضوج اشلون وانته الصرت روحي
انه اصرخ حيل من تلجمني الجروح
واضل مقهور لو طابت جروحي
اعتبر كل اليداووني يلجمون
وتلجم بيه واعتبرك علاجي
وسجين ابحبك انه متاني الافراج
واصلي واندعي لا يجي افراجي
محتاج لحنانك حيل محتاج
ومحد غيرك يسدلي احتياجي
واذا عطشان يلكه نهر مثلك
ما معقوله يفتر عالسواجي
تحرجني بقصد واتطلع الروح
واكل للروح ما يقصداحراجي
ابو طبع المزاجي اشكد اكرهه
واموت اعليك جي طبعك مزاجي
:66 (46)::66 (46)::66 (46)::66 (46)::66 (46):
ارجو ان تنال اعجابكم اعضاء منتدانا الجميل وتكون عند حسن ظتكم وظن المشرفين الاعزاء هاااااااااااااااااااااااااااااااااااااااا شنو رايكم حلوات ؟؟؟؟؟؟؟؟؟؟؟؟؟
