العقيلة القائدة في ذكرى وفاة السيدة زينب س
الرادود محمد مهدي الساعدي
شعر رحيم الحسناوي
بتوفيق الله القيت هذه القصيدة بصوت الرادود محمد مهدي الساعدي في الحسينية الحيدرية في ولاية كاليفورنيا بمناسبة وفاة السيدة زينب الكبرى بنت امير المؤمنين ع ليلة 15 رجب 1431
بارض الطفوف العقيله قايده ...مجد الحسين بصبرهه تجدده
وكفت بوجه السيل ... ما ركد منهه الحيل
مجد الحسين بصبرهه تجدده
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
بت حيدر ابداا ما حنت كوم الكفر من دارت .. وانذلت جيوش العده وبالطالبيه احتارت
بيهه الصبر صبر الوصي وعلى المصايب غارت .. فزعات منهه لحيدره وارعى الهواشم صاحت
بنت الاجواد تعلت جالجبل ... وهم العيال فلا همهه الحمل
واعتلت عكس الميل ... ما ركد منهه الحيل
مجد الحسين ابصبرهه اتجدده
**********************************
عاشت عمر ويه الصبر زينب وشالت رايه .. وضلت ترف لابنك علي ام الخدر وفايه
حمايه زينب للحرم وكت الشدد حمايه .. واايات دكت بالطفوف الحره مو بس ايه
فخر الامجاد على الدنيه اعتله ... وضعن الاطياب ينوح لجافله
ومن دنت يمهه الخيل ... ما ركد منهه الحيل
مجد الحسين ابصبرهه اتجدده
***************************************
ضنو بعد جتل الطهر بنت الزجيه تطخ راس .. ما درو صبر المرتضى بيهه وجفوف العباس
هيهات صاحت يا علي فخر المكارم ينجاس .. ولو كطعو مني الجدم هم يبكه مرفوع الراس
صاحت حسين شبل خير البشر ... رفعة الراس يضل طول الدهر
جالشمس جيل لجيل ... ما ركد منهه الحيل
مجد الحسين ابصبرهه اتجدده
**************************************************
بالغاضريه على الارض فاض الدمع بالمنحر .. ولوعات تلهب بالحرم والااه بالهم تسعر
راس الامام ابن البطل بين الحشود مطبر .. ولا واحد بهاي البشر لبيت الفواطم ينغر
جيوش الانجاس عليهم صايله ... وتدمي الارواح ينبلة حرمله
بججت عيون الويل ... ما ركد منهه الحيل
مجد الحسين ابصبرهه اتجدده
*************************************************
ضنوة علينه بلا ولي بيوم الطفوف وثارت .. وما دنكت لهل الحقد واهل الضلم من جارت
عين على روس اهل الشيم وبعين اهلهه بارت .. ما حصل بالدنيا وجره ولا صارت الي صارت
بكربله خضاب ليوث المرجله ... وبدمه حسين علم حيدر عله
وراعت الضبيه عليل ... ما ركد منهه الحيل
مجد الحسين ابصبرهه اتجدده
رد: العقيلة القائدة في ذكرى وفاة السيدة زينب س
نعزي مولانا صاحب العصر والزمان اللهم عجل فرجه الشريف والأمة الأسلامية
بذكرى استشهاد بطلة كربلاء سيدتنا ومولاتنا زينب بنت امير المؤمنين عليهم سلام الله
اخي الحسناوي
طيب الله انفاسك وبوركت يمينك
وجزاك الله عن سيدتنا زينب افضل الجزاء
دمت بحفظ الرحمن ورعايته
رد: العقيلة القائدة في ذكرى وفاة السيدة زينب س
نعزي سيدنا ومولانا صاحب العصر والزمان عجل الله تعالى فرجه الشريف والأمة العربية والأسلامية
بذكرى استشهاد بطلة كربلاء سيدتنا ومولاتنا زينب بنت امير المؤمنين عليهم سلام
وعظم الله لكم الاجر عزيزي
قصيدة ولائية مباركة
بوركت يمينك وجعلها الله في ميزان عملك
نسال الله لكم الشفاعة بحق محمد وآل محمد
ولاحرمنا هذا المداد المبارك
رد: العقيلة القائدة في ذكرى وفاة السيدة زينب س
ثكل حزن الهواشم ثكل يوم الدين
زينب ياعلي الكوم ذلوها
تجر الحسره والدمعات يم احسين
وحيده وي اليتامي اشلون خلوها
عمت عيني الدمعتج زينب شتبجين
والعبره التخنج بيش طفوها
يلمعلمه البشر صبر المحبين
بيا صبر انتصبر يوم هانوها
وحيده ام المصايب وين تنطي العين
وعين التحرس الايتام طفوها
اخت عباس تاهت بين المتيهين
خافت والخيم نيران وجوها
توج نار الحقد مولاتي شتطفين
وانه ادري الستر همها ولا يشوفوها
الج مولاتي اذب عمري نياشين
وعساني بموت وبس بت علي خلوها
السلام على الصابره المظلومه
السلام على ام المصائب
السلام على عقيلة بني هاشم
روحي لكي الفداء سيدتي ومولاتي
اخي الشاعر اقسم على الله بصبر زينب وما لاقت وعانة
ان يخفف عنكم غربتكم ,ويحميكم
وان لايضيع لك اجر
طيب الله انفاسك الطاهره
تمنياتي لك بالخير والسلامه
رحيم الحسناوي
تقبل مروري
