لمن يتذوق الشعر يدخل هنا

بعض هذي الخواطر تعود لي والبعض الاخر منقول
جبتهن لعيونكم الغاليه:66 (46)::66 (46)::66 (46)::66 (46):لحد يكولي معادات انتحر والله:11::11::11::11:





اغار عليك من كلبي والعيون لذلك اني حاير وين اشيلك
وحقي ما اجيلك اني معذور اغار عليك مني وما اجيلك
دخيلك ربي من الموت ما اصيح من زعلك صحت ربي دخيلك
تتكلب علي بس ما ابدلك بيش بس انته بديلك
تتباهه بجمالك انته معذور على الاجيال بيك اتباهه جيلك
ذليل ابحبك وحيل مرتاح لان كامو يسموني عليلك
اذا مرات افكر اشتكي عليك اجيك اركض ومن عندي اشتكيلك



مو احلاهم انته بس دخت بيك همه الاحلى بس محد حلالى
وحب من طرف واحد حبي وياك وكول للناس بس حبي المثالي
ولحد الان بس انته اقتنع بيك ولحد الان بس انته على بالي
اذايحجون ما اسمع اشيحجون واذا تسكت اسمع يغالي
شرجي وتخنك الريه وشم بيك وكول للريه يمعودة هذا الهوة شمالي
واذا تاكل بكلبي وما اخليك احس مقصر ومدري شجرالي
علي تضحك وعليك ابجي وازكيك وكول اشكد حنيني اشكد بجالي
ومضه0000000000
سهامك عذبني كطعني ,ارفس واضحكت من ضحك سنك
صرت اقرب الي يفلان مني ,اذا نشدوني عني احجي عنك
اشردت منك احس مرتاح جني ,اطلعت بيك انه شارد موش منك

احبك مو لان انته حلو لا0000000000
لان روحي كبلب التقت ولك بيك
اذا انته تمر عالأعمه يصيح الله
والاخرس لون حاجيته يحاجيك
ادل كلبي على سهمك وانه مجروح
واكلك دير بالك خاف ااذيك
اجرحني ولك بس كون عالكيف
لان انته ويه دمي وخاف ابديك
اجرحني ولك بس كون ما اموت
حته من يتهمونك ابريك
على مرايه اوكفت ماشفت وجهي
وشفت وجهك طلعلي وكمت احاجيك
وثبت بمرايتي وجهك امرايات وتباوع وجهه امرايتي بيك
بكذلتك شد ركبتي وطلع الروح
اريدنهه بعد تتقرب اعليكانته بحضني بس اعتبرك ابعيد
اريدن كون هيج انه انخبط بيك
بيا شارع مشيت اكبالي الكاك
اروح الغير شارع هم الاكيك
ارد للبي كبلي الكاك بالباب
اطب كبلي تطب وتكلي اتانيك
بغيرك فكرت كلت حته انساك
طلع غيرك يشبهك فكرت بيك



يمي بس صعب مو سهل ينلاح
وافكر بي ودايخ يمته الوحه
من كد ماحلو مو دوخ الناس
من كد ماحلو داخ اعلى روحه



على نار وانتظر ومتاني الاحباب
واندك باب بيتي والكلب ذاب
عود انه اطلعت للباب افتحه
لكيت الباب طالع فاتح البا

قصيدة للوطن

شجاك اتسودنت يا وطن شنهي شبيك
بيك اليمه كلهه وشعبك ايعاني
الطايح منذبح والوكف هم مذبوح
ماتعرف المجني عليه من الجاني
ومنصوبه الجوادر ما رضت تنشال
شما ينشال جادر ينصب ثاني
ودفانه شكثر ماكامو يلحكون
اذا حته العدل يصرخ وين دفاني
ومراجيح المدينه ماكو يمهه اطفال
واطفالك خطيه لعيدك اتاني
اطفالك خطيه لعيدك امتانين
وطلبه اهدومهم واحد من الثاني
واتدور السنه وراس السنه مكطوع
وماينولد عيسى ومريم اتاني
عيدك لابس اسود يمشي وي عاشور
وايد بايد واحد كايد الثاني
علكتك حرز برداني من الخوف
بعدني ما خفت عتيت برداني
وكتبت اسمك طلاسم تطرد الشيطان
ومشه الشيطان عني وصرت شيطاني
بنص خارطه كلبي انته الك عنوان
بخارطتك ادور ماكو عنواني
اذن واجب علينه انغير الاسماء
واتصير انته المواطن والوطن اني
وخندور وطن يا وطن انه وياك
ومن الكه مكان الي مو تاخذ مكاني
من كد ضيجتي شكبرك واشوفك خيط
واصيرن زرف ابرة وتغفه بأحضاني
انته اكبر وطن وازغر سجن بالكون
والمسجون انه وانته سجاني
وينشدوني عليك اشلونه وظعه وياك
واكلهم مو طبيعي هواي داراني
وتطردني امن ادك بابك واكل للناس
طار امن الفرح لمن تلكاني
اشطبتني من سجلك واكل للناس
نقلني من سجله الكلبه وداني
وبيني وبين نفسي كلت وطن مكروة
ماطلعت ثكيله وعكدت الساني
وكالولي يكرهك كلت غلطانين
يكرهني بشقه وبالصدك يهواني


ارجو ان تنال اعجابكم
انتظر ردوردكم بشدة

اسيرة دمعتي
كلام جميل جدا
عيدك لابس اسود يمشي وي عاشور
وايد بايد واحد كايد الثاني
علكتك حرز برداني من الخوف
بعدني ما خفت عتيت برداني
وكتبت اسمك طلاسم تطرد الشيطان
ومشه الشيطان عني وصرت شيطاني
بنص خارطه كلبي انته الك عنوان
بخارطتك ادور ماكو عنواني
اذن واجب علينه انغير الاسماء
واتصير انته المواطن والوطن اني
اسئل الله لكي كل التوفيق
وان يدوم هذا الابداع
تمنياتي لكي بالخير والسلامه
اسيرة دمعتي
تقبلي مروري

السلام عليكم
شلونج غاليتي؟انشاء الله بخير.
اولآ احيي فيك هذا الذوق الشعري الجميل..ولكن عزيزتي اسيرة ميصير تدمجين قصائد الشعراء مع ما يبوح بهِ خاطرك..لأن بهاي الطريقة انك خلطتي الحامض والحلو سوية هههه واقصد الاوزان انتي كَلبتيها فوك جوة..شوفي الابيات المنقولة امبينة لأن وزنها وصورها مضبوطة..واضافاتك هم امبينة لأن تفتقر للوزن!!
عزيزتي وابنة ولايتي الغالية..ارجوكِ ان تكتبي بقلمك وما يبوح بهِ قلبك الجميل..ولا تخافي لأن الذي يخاف لا يتعلم ابدآ..واذا سمحتي لي اكَدر افيدك بمعلوماتي البسيطة..وتكَدرين تعرضين اي قصيدة الج عليهّ عبر رسالة من خلال المنتدى واني بخدمتج وخدمة جميع الاخوة الاعضاء..ارجو عدم الزعل من كلامي لأن هذا بصالحك..ودي واحترامي لكِ يالغالية.

اليك يامن اسرتك دمعتك\مع التحيه
انا اشجع فيك روح الاحساس والذوق وبادرة الشعر
ولكن :دعِ عملك ينفرد بذاته وانشاء الله سوف تكونين نجمه لامعه في سماء الخواطر والشعر
تحياتي اليك

شكرا زهير العقابي الله يساعدني اكون عند حيدسنك وحسن ظن الجميع
الشاعر جلال البطاط ماشاء الله عليك قناص ههههههههههههههههههههه
شيسرعه لكفتنه للتداخل ههههههههههههههههههه
انه كتبت قبل شويه قصايد واتمنى ان تكون زوينه وما بيهه اخطاء
عرضتهه عليك
بس مرديت فأظطريت انزلهن

ابو سجاد :
الله يسمع منك والله كاعد احاول
شكرا على المرور

عاشت الايادي
مجهود رائع

شكرا طالب الشمري
دام لنا تواصلك