ماني بحاجه التابوت
ليش انموت من دون البشر بسكوت ؟
أكَلج ليش لو دكَـ الكَلب حسره
احنه للي كتبنا بالشهاده سطور
واحنه الموت والرشاش مو موتة العبره
والأجفان ملفوفه بجتاف الموت والبصره
أرض نيران مستعره يخاف الموت من يكَرب
نصب عليه سعرات القهر سعره بعد سعره
واحنه لو راد العدو صب نار حقده نصبْ عليه النار صبْ
احنه شعلات الشجاعه احنه أهل شط العرب
احنه مكَوار البطورله
من يدانينا بأرضنا ؟ من يدوس النهر عدنا ؟
نشربه سموم وعطب
والبجي ماهو ضعفنا والموت عدنا بالكرامه اسد ما يقبل عتب
تخسأ اذناب العماله تحوَّطْ اشياخ العرب
ومصيبه الشعب العراقي الشجاعه والكرامه والنسب
ما يقبل الذلة بهواده ولو مشى بنار العطب
هذا مكتوب اعلى دجله والفرات هذا حظ شط العرب
خلي السفان يحجي والبلم والمشحوف والناعور
يغني نغمه العشكَـ الحزينه وأمسح الدمعات عن عين اليتيم
لا تقولي العين تدمع ! ولا تقولي !
جا منهو للي يسعف الغركَان لو جاه الغركَـ
العراقي الموت يهابه وينخطف لون الموت لو دوّى الفشكَـ
احنه علمنا الخلكَـ كل الخلكَـ شلون نحمي الدار بالدم والعطب
جا نسيتي شعب الرافدين شعب دجلة وتاريخها المجيد ؟
اللي سطر بالشجاعة ألف عيد
لو فرات حسين اللي عطر بدمه الطاهر
كل الأفلاكـ والسما والنجوم السايره وحتى الشهب
لا ماني بحاجه التابوت والأكفان كلها
الشهيد جفنه ثيابه وغسله من دم الطهاره
يختي ابشري النار ما تاكل بعضها
والحطب يبكَى حطب
محمد شرف الشريف المدلي
عمدة التوبي السابق القطيف
المملكة العربية السعودية
