نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
************************
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه
****************
عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه
*************
تصد عني يناهي انت عليمان
بسلامك من تمر انت عليمان
اتكبر دوم بس كَلي عليمان
على خلِ يحب بصافي نيه
********************
انشاء الله تعجبكم***
