ينزف بعيني الفرح دمعة يتيم بلايا معنى

ينزف بعيني الفرح دمعة يتيم بلايا معنى

وفوك ديرة عينك رموش البحر طاحن عصاري

تنام فوك مخاد خدك

وردة النوّار


وجفوف الصبح

وانه عله طولي ينام صبيّر الصحاري

وتركض أنهار الحزن

وتسد مرافي الشوف بعيوني وأحسك من بعيد

بلايا جف000000

وبلايا صوت000000000

تدور بيه عله الجمر وركة جكاره

وتمشي خطوه مسودنه بسنين عمري

سنينك وكل خطوه أموت

وتعبتني

تعبتني

الشمس من تتغاوه ينزل دم كصايبها

جمر وينام باحظان الورد

غيم أسود بس ثدايه الغيم ترضع بالتراب

أعله البعد

وأنت شوارع كطعت كلب المدينه

ومنجل غروب وحصد لوح الشمس

جا يمته أشوفك وأبتسم؟

لو يمته أنساك ويموتن ذكرياتك؟

حاولت بس مره أزيحك من عيوني


انزاحت عيوني وبقى طولك حلم

بس ياحلم يمطر حقيقه

تحلمت بالليل يبجي عله النجم


والنجم تايه

ودم صبغ وردة حديقتنه الزغيره

ودنيا مدري شلونها!!!!

بلون الحزن والخوف رايه

وكاع داست من كثر ماحملت وادم ردايه

وفزت عيوني وبقى نفس الحلم

وأنت بقيت بعيد عني

بحر مابيناتنه وجفي كصير

روج عالي وطاح جفي

وسالت سنين العمر حنه وصبغت جفوف أديك


وروحي شمعه000000

روحي شمعه شما تمر بيها جمر تبجي عليك


شما تمر بيها جمر تبجي عليك




ميثاق الهلالي

كلمات مؤثره وجميله
عاشت الايادي على الاختيار
دوم التألق والابداع
ربي يوفقك
تحياتي

حياك الله اخوي الطيب لامير العراقي لمرورك ولجميل تواصلك الدائم ربي يوفقك
تحياتي

احسنتي الاختيار عيون المهى

تحياتي للمبدع ميثاق الهلالي

وكذلك لك يا مبدعه صاحبة الاحساس الراقي 0

ابيات شعر جميله جدا

تملئها عبارات الاشتياق وليس هناك اقوى من نار الشوق
تحرق من يقترب منها
اختي حلومه شكرا على هذا الأنتقاء الجميل
دام لنا ابداعك وتميزك
تحياتي

ابيات شعر جميله جدا

تملئها عبارات الاشتياق وليس هناك اقوى من نار الشوق
تحرق من يقترب منها
اختي حلومه شكرا على هذا الأنتقاء الجميل
دام لنا ابداعك وتميزك
تحياتي

اخواني الطيبين
شاعرنا المبدع شاكر الهلالي سعيدة بتواصلك الدائم
ربي يخليك
اخوي السومري الاصيل ربي يوفقك ويحفظك لجميل مرورك العطر
تحياتي لكم