لو دامت لصدام لما وصلت اليكم

بسم الله الرحمن الرحين

ورد ذكر الصبر أكثر من تسعين مرة وفي مواطن مختلفة في القرآن الكريم وذكرت كلمة الصبر 102 مرة حيث قال تعالى :
"إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ" الزمر 10 وقد أمر الله نبيه بالصبر وبشره وبشر الصابرين :" فَاصْبِرْ إِنَّ الْعَاقِبَةَ لِلْمُتَّقِينَ" هود 49، وقد قرن الله تعالى الصبر بالعبادات حيث قرنه بالصلاة : "وَاستَعِينُوا بِالصّبرِ وَالصّلاة" البقرة45
وقال سبحانه وتعالي أن الصابرين في معيته حيث جاء في سورة الأنفال الآية 46: " واصبروا إن الله مع الصابرين".

“سَلاَمٌ عَلَيْكُم بِمَا صَبَرْتُمْ فَنِعْمَ عُقْبَى الدَّارِ”

“وَلَئِن صَبَرْتُمْ لَهُوَ خَيْرٌ لِّلصَّابِرينَ”

“فَاصْبِرْ كَمَا صَبَرَ أُوْلُوا الْعَزْمِ مِنَ الرُّسُلِ وَلا تَسْتَعْجِل لَّهُمْ”

”إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ”

“وَلَنَجْزِيَنَّ الَّذِينَ صَبَرُواْ أَجْرَهُم بِأَحْسَنِ مَا كَانُواْ يَعْمَلُونَ”

وقال الامام علي ابن ابي طالب عليه افضل الصلاة والسلام

أصبر على مضض الإدلاج في السحر
وفي الرواح وفي الطاعات وفي البكر

وقبل في الصبر

الصبر..عند المصيبة.. يسمى ايماناً.
-الصبر..عند الاكل..يسمى قناعة.
- الصبر..عند حفظ السر.. يسمى كتماناً.
-الصبر..من اجل الصداقة.. يسمى وفاء.
-اصبر قليلا فبعد العسر تيسير وكل أمر له وقت وتدبير.
-اصبر لكل مُصِيبةٍ وتجلًّدِ واعلم بأن الدهر غير مُخَلَّدِ.
- الصبر صبران: صبر على ما تكره وصبر على ما تحب.
- إنما الصبر عند الصدمة الأولى.
دواء الدهر الصبر عليه.
-صبرك عن محارم الله أيسر من صبرك على عذاب الله.
- من صبر ظفر.
- من لم يصبر على كلمة سمع كلمات.
- وأفضل أخلاق الرجال التَّصَبُّرُ.. وعاقبة الصبر الجميل جميلة.
ـ ـ ـ ـ ـ ـ
ابو كاطع ما علاقة الصبر بمنتدى السياسة
خاف تيهت انت تريد تكتب في المنتديات الاسلامية
سؤال قد يسئلني البعض او في افكاركم يدور هذا اسؤال
اعيوني
والله اعرف هذا منتدى السياسة
لكن الصبر اله رباط في الموضوع
اشلون ابو كاطع
قبل يومين صرح السيد وزير الكهرباء كريم وحيد المستقيل
قائلا
ان ازمة الكهرباء سياسية وان العراقين لايستطيعون الصبر
زين هسه خلي الازمة السياسية على صفحة وناخذ ما قاله السيد الوزير المحترم
ان العراقين لايستطيعون الصبر
بس سعادة الوزير
يعرف ان العراقين
يعرفون جيدا ما ورد في المقال اعلاه ان كان قول الله تعالى او لنبينا المصطفى او لامامنا علي ابن ابي طالب
او ما قاله الحكماء والشعراء
وهل يعلم السيد الوزير المحترم
ان العراقين
قد قامو بتأليف كتب في الصبر
منها على سبيل المثال لا الحصر
تعلم الصبر باسبوع بدون معلم
اربع اجزاء
اصبر على ابو المولدة لمن تجي الوطنية
ثلاثة اجزاء
اصبر على الكهرباء لاينكطع الماء
مجلد واحد
اصبر على ارتفاع قوائم الكهرباء لاتنعلس وي الارهاب
كتيب صغير
اصبر على الوزير لحد ما يجمع المقسوم
9 مجلدات
اصبر على الحر احسن ما تنتحر
مجلد واحد
اصبر على هذا الحال احسن ما تنفقد في كل الاحوال
كتيب صغير

اي صبر هذا الذي يريده الاخ الوزير
الا يعلم ان العراقين صبروا اكثر مما تتحمل طاقاتهم الجسدية والعقلية
لك ما تستحي انت ما تخجل
مو عيب عليك مو خزي
شنو العراقين ما يتحملون الصبر على سرقاتكم
مليارات الدولارات
هي ابن الـ ـ ـ ـ ـ ـ
الا يندى جبينك حياء من تقف وتقول هذه الكلمات
بس شلون يندى الجبين للي ما عنده جبين وحيا ومستحى
العراقي اتحملك انته وعصابتك هاي السنين كلها وانتوا عايشين بالتبريد
والعراقي كارتونته بيده ويهفي مو عيب عليكم
مو خزي مو عار
وين صار نفط العراق كل هذا الخمط ومولدات كهرباء ما عرفتوا اتجهزون العراقين
اقساط شركة جنرال الكتريك وسمينس ليش ما ادفعوها
لا والمصيبة والطامة الكبرى
انوب رئيس الوزراء بعد عيوني
يدافع عن الوزير
يقول السيد رئيس الوزراء اطال الله عمره
ان وزير الكهرباء قد عمل بكل كفاءة وتفان في الوزارة
وانه يتمتع بخبرة عالية من الناحية الفنية
بالله عليكم هذا كلام ينعقل
يقال على وزير دمر العراقين من الحر
شنو الكفاءة والتفان مال الاخ السيد الوزير
ما اعرف شنو حاولت ان اجد لها تفسيرا فلم اجد ابدا
الله عليكم الي يعرف يجاوبني
ثم يكمل السيد رئيس الوزراء حديثة ويقول
ان مشكلة الكهرباء
لن يتم حلها قبل سنتين من الان على الاقل
يعني اعيوني العراقين انتوا والخمس سنوات لان السيد رئيس الورزراء يقول
على الاقل
يعني هاي السنتين طرح لي كدام
وفوك هذا كله يطلع احد المسعورين عفوا المسئولين
يقول
ان التظاهرات لن تجد حلا للكهرباء انها مؤامرة محاكة ضد الدولة
ولك هاي يا دولة الي ما غسلها وجها
متستحي
روح اتعلم اشلون اتشد ربطة العنق وتعال اطلع بالفضائيات
اتعلم اشلون تليس بذوق مو الاخضر على الاصفر على الجوزي والحذاء ابيض
قذرين شعثين وصرتوا نواب براس العراقين
بس لو انتوا اتحسون على نفسكم جان اذكرتوا
لو دامت لصدام لما وصلت اليكم
هسه خلي نرجع الى مقولة المتفاني الكفوء السيد الوزير
ما علاقة السياسة بالكهرباء
يعني اتريد اتفهم الشعب العراقي البطل
ان الاحزاب والكتل والتجمعات والائتلافات هي السبب
بالاجتماع يقطعون الكهرباء على العراقين لازم تتفقون يالله ينطوهم كهرباء
لو
شنو
السياسين همه الي عده الحل
ليش ما اطلعت بمجلس النواب يوم الاستجواب وكل الكتل كاعده ماشاء الله يا ما اكثرها واكثرهم
وصحت
ياناس يا عالم ياعراقين
ترى الكهرباء سبب انقطاعها هو
حزب اوي اوي
والي سرق الابراج هو
حزب اي اي
والي اخذ المقاولة مال التجهيز هو
حزب دي دي
ومدير التوزيع من
حزب الواوا
ومدير السيطرة من
حزب شك شك
مو عيب عليك
شنو سياسية
عمي العراقين اتحملوا ما فيه الكفاية
وتذكروا
لو دامت لصدام لما وصلت اليكم
في الختام الف تحية للعراقي البطل الهمام الصنديد الذي وقف كل هذه السنين تحمل فيها الهم والغم والفقر والجوع والحرمان
الف تحية وتقدير

الف شكرا اخي ابو كاطع على الموضوع
اخي ابو كاطع جنك ما تدري العراقيين الله رزقهم ولد صالح اسمه صبار
واليوم العراقي ابو صبار
كلمة صبر صارت قديمه
اخي نبي ايوب صبر 20 سنه والعراقيين 40 سنه صابر واليوم صار ابو صبار
خليهه سكته يبو كاطع
لاتهيج اجروح العراق ترى من تنجرح تدي
تحياتي الى ابو كاطع او لا تكطع بينه
تحياتي وتقديري

حي الله ابو كاطع
وحي الله مواضيعه الموضوعية التي تعبر عن حال العراقي بصدق وليس بالشعارات الفراغة التي تحز في النفس
ويجيك البطران ويكولك قدم الاخ انجازات ويسوي عملاق الشاشة
ديالله ردوا على ابو كاطع كولولة كذاب احنة نعيش غير عيشة موهذا هو الواقع المرير الي دنعيشة موهذا الضيم الي صابرين علي

حياك الله ابو كاطع الوردة
وربي لا يحرمنا من ملامستك للواقع ووضعه بمواضيع يفهمها الصغير قبل الكبير
تسلم الايادي وبارك الله بيك
دمت بحفظ الله ورعايته
تحياتي

اقتباس:

---

المشاركة الأصلية كتبت بواسطة سمير الكرماني

الف شكرا اخي ابو كاطع على الموضوع

اخي ابو كاطع جنك ما تدري العراقيين الله رزقهم ولد صالح اسمه صبار
واليوم العراقي ابو صبار
كلمة صبر صارت قديمه
اخي نبي ايوب صبر 20 سنه والعراقيين 40 سنه صابر واليوم صار ابو صبار
خليهه سكته يبو كاطع
لاتهيج اجروح العراق ترى من تنجرح تدي
تحياتي الى ابو كاطع او لا تكطع بينه

تحياتي وتقديري

---

اغاتي الاستاذ سمير الكرماني المحترم
اعزك الله ووفقك
شكرا لمرورك العظيم اتجاه شخابيطي المتواضعه
بس شنسوي على كد الحال
بلكي واحد يسمع او يشوف من الاخوة المسعورين اهل المنطقة المشجرة والمطرزة بالاخضر
والله يكون في عون كل عراقي شريف
الله يوفقك ويستر عليك

[

اقتباس:

---

المشاركة الأصلية كتبت بواسطة * البتول *

حي الله ابو كاطع
وحي الله مواضيعه الموضوعية التي تعبر عن حال العراقي بصدق وليس بالشعارات الفراغة التي تحز في النفس
ويجيك البطران ويكولك قدم الاخ انجازات ويسوي عملاق الشاشة
ديالله ردوا على ابو كاطع كولولة كذاب احنة نعيش غير عيشة موهذا هو الواقع المرير الي دنعيشة موهذا الضيم الي صابرين علي

حياك الله ابو كاطع الوردة
وربي لا يحرمنا من ملامستك للواقع ووضعه بمواضيع يفهمها الصغير قبل الكبير
تسلم الايادي وبارك الله بيك
دمت بحفظ الله ورعايته
تحياتي

---

مع خالص شكري وتقديري لك يا سيدتي العزيزة على مرورك الكريم
ان ما في القلب اكبر من ان يكتب اتجاه العراق الجريح
الله يكون في عون كل عراقي شريف
الف شكر وتقدير

السلام على صاحب القلم الشجاع والروح العراقية الشريفة والاصيلة

\بارك الله بيك على كل كلمة قلتها بحق الشعب العراقي المظلوم وجزاك الله عنا الف خير

والله يااخي سالفة الكهرباء وسالفة الاحزاب ووزير الكهرباء واهل الكروش الي كاعدين بالخضراء

هذوله بلوه ومانعرف شلون نخلص منهم

والله يااخي تعبنا من الحجي

وعلى كولتك صبرنا بشتى انواع الصبر وماكو نتيجة


بس عندي امنيه واتمنى تتحقق

اتمنى المنطقة الخضراء يصير بيه مثل ما صار بقوم لوط

\شلون الله عز وجل قلب الارض بيهم


مع خالص شكري وتقديري للاخ العزيز ابو كاطع

وبانتظار المزيد من كلامك الي يريح القلب

السلام عليكم:
أخي أبو كاطع أشكر لك هذه النظرة للواقع ولكن أريد أن أسألك سؤالا محددا أرجو أن تجيب عنه بكل مسؤولية ،هل مشكلة الكهرباء تكمن في الوزير؟؟؟
أليس للوزير أعوان من أحزاب وكتل سياسية؟؟؟ أنت تعلم وجميع العراقيين يعرفون أن وزير الكهرباء هو (أضعف وزير) في الحكومة لأنه ليس مدعوم من (ميليشا) كباقي الوزراء الأجلاء المحترمين.
وهل نسى العراقيون إنجازات الرئيس المالكي عندما وصلت قنينة الغاز إلى أكثر من 25000 دينار ، أين كان هؤلاء المتظاهرون؟؟؟ وأزمات النفط لماذا كان السكوت عليها؟؟؟؟؟ أتعلم لماذا ؟؟؟ لأن من يهيج الشارع اليوم هي الأحزاب التي فشلت في الانتخابات أمام نجاح الخط الذي يريد أن يبني دولة وليس يريد أن يوزع العراق كإقطاعيات (كلمن له).
أسأل عن الاحزاب المتنفذة في الكهرباء وستعرف السبب في الانقطاع.
ثم لماذا هذا الترهيب في مناطق معينة لأصحاب المولدات حتى يتم الإطفاء. أليس للعمل ضد الحكومة؟؟؟ ولمصلحة أحزاب معينة؟؟؟
والسلام على من اتبع الهدى.