ضاع البلم والمشحوف
ضاع البلم والمشحوف وضاع الكَمر والكَمره
ويتوكَف صدى الناعور وتبجي دمعتي البصره
واحن لهناك باشواكَي وأشم الرطب والتمره
وأكَول هناك محبوبي تركني وزادت الحسره
عطر الوطن وترابه مثل النار مستعره
وانه الغربه طوّتني بعيد وحامل الحسره
ضاع البلم والمشحوف
ضاع البلم والمشحوف
نديم الشوكَـ أخذ كَلبي تركني وراح من بدري
أسكَي دموع ريحانه واشم الأرض من عذري
وأكَولن للشمال يعود عسى نهر الوفا يجري
أريد اسال عن أضفافج بعدها لو مشت بدري
أكحّل عيني بترابج وانتي دنيتي وسحري
وأظل أوصف ليالي النور وأكتب للوطن عمري
ضاع البلم والمشحوف
ضاع البلم والمشحوف
هذا القدر والأقدار مواله ألم وجروح
مضى عنه الحلم وأبعد جنه بالكَبر مطروح
مضى ذاك السعد عنه وواهلنا بالمراره تنوح
من هودر غراب البين وجمعه بالعمالة تفوح
مو داسوا على ترابي ؟ وصرحي للعروبة صروح
مو انه للذي ينباع ولو شط العرب مذبوح
ضاع البلم والمشحوف
ضاع البلم والمشحوف
نعم رعد الرعد منا ومنا البطل والمغوار
وعدنا حسين أبو اليمه وعدنا حيدر الكرار
ومجاورهم أبو فاضل نسل حيدر عز الثار
هذوله احنا بمراجلنا وطيبتنا ويْ الأبرار
هذوله احنا زرعنا الجود وطفّينا فتنة الكفار
هذا هو العراق للي اسمه نجمة الثوار
ضاع البلم والمشحوف
ضاع البلم والمشحوف
الله عليج يا دجلة اسمك للعروبة نور
تاريخج فخر واحزان تتحدث عليه الدهور
يا ام الورد والريحان بدم شعبج كتبتي سطور
كتبتي العزة والنخوة وهزمتي النجس والمدحور
ومن ماي الفرات يمر تعود الروح للمسحور
هذا هو العراق عزه وللكرامه سطور
ضاع البلم والمشحوف
ضاع البلم والمشحوف
محمد شرف الشريف المدلي
عمدة التوبي السابق القطيف
المملكة العربية السعودية
