غريب بلا وطن -الى امير المؤمنين صلوات الله عليه
غريب بلاوطن أكصد بحر ضليت
وعله أجروفك جدم مولوح تلكاني
خشبه عله الجرف يدفعني روج الماي
لأن كاعي شحيحه ألبحر عنواني
غريبه الكاع شحت وألبحر موجود
تصرخ للبحر رواي كيعاني
كصدتك يابحر وادري النجاة وياك
لأن علتي جبيره ألوكت أذاني
سولف يابحر وحزنك ترك طبرات
ومن نزفك اثر بالكاع نيشاني
جاوبني البحر فزت بطبرتي وشوف
وتهدم كل ركن تنخاك أركاني
علي الفاز بطبرته بوكفة ألمحراب
والمحراب يصرخ يالولي أترجاك تاني
يامحراب المنيه اشكد حملت اهموم
عله ألنور ألفكدته وسيف ادماني
عله ألنزف النزفته أتعنت ألايتام
تنشد عالجفيل ألطاح خلاني
لكت اثار دمك واليتامه تصيح
عجيبه بهالمنيه وتسري نيراني
حرت أوصف مقامك ياوصف واحجيه
ولكيت أجمل وصف ببحور ديواني
وصفتك بحر وطبع ألبحر لوهاج
يترك عالجرف اثار عدواني
يظل طبع ألبحر لولاطم الروج
يحبس حسرته بشوغات أحزاني
ويظل جدمي يميل الحسرته بأهات
عله الحزن الحزنته ادروب مشاني
مشيت اتبع خطوتك ياعلي الكرار
لكيت انت الصراط وخطوة ايماني
علي البحر التجله بقدرة الرحمن
والصوبك اروح والكه وجداني
----****----***---***---
خادمكم الكعبي
رد: غريب بلا وطن -الى امير المؤمنين صلوات الله عليه
السلام عليكم
الشاعر الرائع سامي الكعبي
طيب الله انفاسك
قصيده جميله جدا
وعندي نصيحه ارجو تقبلها من اخ محب لك
اخي اجمع كل القصائد ولاتفرط بواحده او تنسى ان تدون واحده اجمعها اخي بفولدر خاص لان الكتابه على اهل البيت اكثر من كنز
وانشاء الله هذا الكنز سيكون طريق السراط لك
دعائي لك بالتوفيق
تمنياتي لك بالخير والسلامه
رد: غريب بلا وطن -الى امير المؤمنين صلوات الله عليه
اقتباس:
المشاركة الأصلية كتبت بواسطة زهير العقابي
السلام عليكم
الشاعر الرائع سامي الكعبي
طيب الله انفاسك
قصيده جميله جدا
وعندي نصيحه ارجو تقبلها من اخ محب لك
اخي اجمع كل القصائد ولاتفرط بواحده او تنسى ان تدون واحده اجمعها اخي بفولدر خاص لان الكتابه على اهل البيت اكثر من كنز
وانشاء الله هذا الكنز سيكون طريق السراط لك
دعائي لك بالتوفيق
تمنياتي لك بالخير والسلامه
اخي زهير العقابي السلام عليكم تحياتي الى سماحتكم انا لست بشاعر مثلما تظن لكني استطيع ان اقول لك هي هوايه او محاولات بالكتابه ولكن انشالله سوف اخذ بنصيحتك واحاول جمعها واقوم بتلخيصها بمكان واحد افضل مثل ماتفضلتم تحياتي اخوي زهير وانا منتظر كتاباتك وانا بالخدمه اخ وصديق خادمكم الكعبي
رد: غريب بلا وطن -الى امير المؤمنين صلوات الله عليه
حياك الله وعطر الله انفاسك
قصيدة ولائيه رائعه بحق اهل البيت
ربي يوفقك
تحياتي
رد: غريب بلا وطن -الى امير المؤمنين صلوات الله عليه
مشيت اتبع خطوتك ياعلي الكرار
لكيت انت الصراط وخطوة ايماني
علي البحر التجله بقدرة الرحمن
والصوبك اروح والكه وجداني
السلام عليك ياامير المؤمنين وكافل اليتامى والآرامل
طيب الله انفاسك وجزاك الله عن امير المؤمنين خير الجزاء
اخي سامي
انا اضم صوتي الى الاخ زهير في نصيحته لك
لأنها فعلا كنوز في الدنياوذخر في الآخره
دمت بحفظ الرحمن ورعايته
