موغريبه-الى الامام العباس *ع*

موغريبه دموع نشفت يالجفيل
بس غريبه النهر عطشان وضمه
يظل طبعك نبع واحزام للاحرار
يترك بالكلب طعنات مليانه دمه
ويظل جفه يميل وشايل الرايات
ينظر للخيم عبرات للموجه ومه
ماشفنه جدم شك الشريعه بسيف
بس شفنه نهر راج ورمه

بنحيب صفوف ضلت والعلم مهموم
تكصد يانهر دونك شح وعمه
خاض صولات الصميده بطبرة الاحزاب
وطاح مخضوب العلم وترابك يممه
توضه النهر بترابك من طحت
بس طيحة شرف بجفوف محزمه
تركتك نهر وخذت جودك درع
رواي وجافل وعضيد القابك مكرمه
اشباه الزلم دارت عمد وسيوف
وهو الما خضع وجان جوده مغنمه
نفس الجود حارب بيوم الطفوف
واعطى روحه فده الصدرك وسمه
صح صدرك تهشم والجدم مطبور
بس صاحب هدف واهدافه ترممه
وصحيح جفوف باطراف الشريعه انشوف
بس علم مركوز لاطرافه انتمه
مااوصفك فارس اتخطه الرقاب
ولاانظر جفيل ومنبعك حامي الحمه
اوصفك نهر مدرار فيض وحزن
وطبعك طبع ناعور وجفوفك مرحمه
صرت ناعور للعتره تملي وتصب
وبرهان ذاك المصب جود يترجمه
ياجود الشواطي شما سافر الملاح
يرد من سفرته والدروب معتمه
اكو معتم طريقه بولية الطغيان
والملاح غيره وكشف زمره مظلمه
ومنهم الحركو خيامك واللهب منشار
يكص خدر العقيله والعيون مسلهمه
كوم افزع يابن حامي الدخيل
وجرد البتار وارباب المقاتل معلمه
حسين عنوانك سفينه السافرت بالبر
وعباس الشراع الصارع الموج اوكلمه
-------******------******-------
تحياتي خادمكم الحاج سامي الكعبي

السلام عليك ياسيدي ومولاي يا ابا الفضل العباس ياساقي عطاشا كربلاء
اخي سامي بارك الله فيك
وجزاك الله خيرا وجعلك مع محمد وآل بيته الأطهار
دمت بحفظ الرحمن ورعايته

احسنتم اخي السومري واشكر مرورك الكريم

بوركت اخي العزيز
وجعلها الله في ميزان اعمالك

سلام الله عليكم يا سيدي ومولاي يا ابا الفضل

الاخ والشاعر الفاضل سامر الكعبي

أفضتم في ما كتبتم

شكرا واكثر

تقديري لكم

مريم عودة

عطر الله انفاسك لتلك الابيات بحق ابا السبطين
وعظم الله اجورنا واجوركم

تحياتي

عطر الله انفاسك لتلك الابيات بحق ابا الفضل العباس عليه السلام

دام نبضك ودام قلمك المميز

تحياتي