ومضة + ابوذية ....... للشاعر احمد رفيش
سهم مرك نعم مو كصده اضن ياذيك ... لان مأمور اجاك وعمية بيه العيــــن
ورمح شالك جرح ما يدري هو اشـــال ....لون يدري اشرفع يا راس اصله منين
يفر روحة ويطرها يشيل حتى الكــــاع.....ويشيل الكون كلة ومايشيل حســـين
والكلشي سبب نعلم يبو السجـــــــاد ....وانت اكبر سبب صرت الثبات الدين
*******************
عيني الرايتك تنظر وترباك
وعلى اغيابك تون روحي وترباك
اشم انة الهوة شخصك وترباك
وتغيب اشلون وانة امشي سبية
*******
طحت يحسين من طيحت جبلنة
يريت اتكوم يم جفة جيبلنة
حرم وايتام تدرينة جبلنة
عليك انت بظهر مايل لخية
**************
عليك انت بظهر مايل بالالام
يخوية اشلون ترجعلي بلالام
حملت الام من حزنك بالالام
وشفت الام كل طفلة سبية
رد: ومضة + ابوذية ....... للشاعر احمد رفيش
صح لسانك عزيزي
وبوركت يمينك على جميل ماسطرت
ادام الله لنا هذا المداد المبارك والمحلى بعطر الولاية
ولاحرمنا هذا العطاء والتواصل
اجرك على ابو السجاد
كل التقدير واطيب التحايا
رد: ومضة + ابوذية ....... للشاعر احمد رفيش
اقتباس:
المشاركة الأصلية كتبت بواسطة ام فيصل
صح لسانك عزيزي
وبوركت يمينك على جميل ماسطرت
ادام الله لنا هذا المداد المبارك والمحلى بعطر الولاية
ولاحرمنا هذا العطاء والتواصل
اجرك على ابو السجاد
كل التقدير واطيب التحايا
اختي العزيزة ام فيصل ...... يا عطر منتدانا وزهوه لكي كل تقديري واعتزازي ولكي جزيل الشكر لمرورك هذا فتقبلي تحياتي .
