قرص نعناع خدك وانت هيلة
الحسن بس لجنابك وانت هيلة
تراب اللحد بيدك انت هيلة
ويضل اسمك حلو وغالي علية
اسكي ضماي من شفاك وردة
يلخدك جميل تكول وردة
ردية احوالي بين الناس واردة
اذا بالبوسة هم تبخل علية
موحب بكلبي هذا ورم شاك
واذوب بشوفة عيونك ورمشاك
اظل للموت امشي ورة مشاك
لان روحي التحبك مو بدية
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
(( منقــــــول ))
ارجو للمرة الثانية كتابة كلمة منقول للأمانة الادبية
ومنعا للحذف
