واحنه زغار حبك مالكينه
ومثل رقة شفافك ما لكينه
لون مو عسل والله ما لكينه
ولاروحي ارتوت من عذب ميه
********************
كلبك جان ياولفي محنه
وليالي الهجروالفركه محنه
وين ابعدت يالكلك محنه
فراكك صعب يالغالي عليه
***************
السبب شنهو يصاحب عفت دارك
و ادري بيك واعي وحيل دارك
وسفه الوكت عالطيبين دارك
ولا تنشد كمت يا ابو الحميه
****************
ذهب كالو عليك شلون فضه
وكلبك يالحلو وياي فضه
حجي العذال لا تطريه فضه
وعوف الكال والكالو عليه
**************تره المكتوب يسمر موبدينه
وعليكم دمع صافي موبدينه
تكول احنه انتهينه موبدينه
ونهايتنه غفل صارت سويه
&&&&&&&&&&&&&
هجرنه بيوتنه وعاشرنه الغراب
مثل البوم واحدهم والغراب
موهاي الغريبه بس الاغرب
اخوي وبالغرب ويخون بيه
*****************
العراق ابجرحه ما فزعت دولنه
ولا لجروحنه ودو دولنه
باقلام الشعب هذا دولنه
الخزي والعار للخاين بخيه
<******
يدهري شما تعادي وياي عادي
وما اهتم بعد لصار عادي
عليل اصبحت بيه مرض عادي
وعديت المرض يوم الصار بيه
******************
هاي الروح ماضن غيرك الهه
وتراهي الهم يصاحب غيرك الهه
صفات البيهه تدري غيره كلهه
ولا عرفت غدر هاي الوفيه
)))))))))))))))))))))مثل طلة كمر محبوبي وجهه
هجرني ونار بالدلال وجهه
اذا عندك نقد بناء وجهه
ومقبول النقد منك عليه
****************
عليك الروح نص الليل ونت
لان برغي الكلب مفتوح والنت
ادور بالمقاهي عليك والنت
وينك ياحلو بس رد عليه
******************
اريد اهل الوفه احسبهم وعدهم
واظل انتظر جيتهم وعدهم
لان الكلب ظل يمهم وعدهم
يضل يمهم لما يعودون اليه
******************
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
تضل بغداد مثل الذهب وصفه
ويضل اترابهه للعلل وصفه
سمه بيهه الكرم والجود وصفه
ويضل دجله وفرات العذب ميه
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه
شبده مني وعليه اعلنت حرباك
وبعدهن بالظهر طعنات حرباك
الوكت ما حار بيه اضن حرباك
ولكه بيك الغدرمن خنت بيه
وحك خالق الكون وجنه ونسه
ما اكدر اعوفك ساعه ونسه
انه الخلصت عمري وياك ونسه
شلون اتعوفني ومتمر عليه
موال الغدر يطرب لبسته
وعلي ثوب الحزن لايك لبسته
الفرح من صاحلي انه لبسته
لان ثوب الفرح ميلوك اليه
اون اعليك طول الليل ونهار
ودمعي غرك الوديان وانهار
دليلي تمرد ابفركاك وانهار
يمته تعود الي ونلتم سويه
بدمع عيني رويتك بستكاني
ومن خدك الليلو بستكاني
جنه اثنين هسه بستكاني
رحت عني ولا رديت اليه
بثوب العوز اجيتك وانه داوي
بلهيب النار اطفي وانه داوي
جرح الوكت ينزف وانه داوي
اداوي الجرح والعله خفيه
ارد اعزف وغنيلك عتابه
وعليك الكلب ما بطل عتابه
احن لدار ما انسه عتابه
وتضل ذكراه دوم اتعن عليه
