مجنون ابمحبتك ؟؟؟؟؟؟؟؟

مجنون أبمحبتك يا اعز إنسان

يا أجمل قصيدة و أحلى معزوفة

يا مالك خيالي و فكري يا معسول

اكتب بس إلك كل شعري و حروفه

قافيتي شفافك و الوزن رمشين

و عيونك بحور الشعر موصوفة

صوتك عدّة بالغبشة نغم فيروز

و ام كلثوم من قاموسي محذوفة

ألف ليلة عسل عشناها آني وياك

و الليلة إلّي ضلت اضن معروفة

و نغني و نسولف أحلى سالوفة

يا كلشي بحياتي و يا فرح دنياي

يا من شلت من گليبي كل خوفه

ما أضنك تبيع و لا أبيعك يوم

اكو واحد يبيع گليبه و يعوفه

يالحسنك عجيب و ما اضن موجود

إذا تطلع نشوف الشمس مكسوفة

و خطية الگمر يبچي و يون تالي الليل

حدر الغيم يختل صابته الخوفة

يالحسنك ينوّر كل ظلام الكون

إذا قرص الشمس مكسوف ذليته

و گمر ليل المحبّة بشوفتك مقهور

إذا حتى الگمر بالليل بچيته

و گلوب الشباب تفرفح امن تفوت

و الشايب بعطرك اضن شليته

و نسوان ألتشوفك منك يغارون

و ألبعده مراهق نظرة أمنيته

و الطفل إلّي يرضع بعده بالكاروك

ضل يمشي وراك و يحچي خليته

جنسيتي محبتك تدري كلش زين

شنو قيمة ليضيّع يوم جنسيته

حبك غيراني و صرت أموت عليك

شتلت گليبك بنص گلبي و سگيته

و الدم إلّي يسري بجسمي ما أحس بيه

دمك يسري بالشريان حسيته

انت العلمتني العشگ و الإحساس

فضلك عالگلب لن يدگ خليته

علّمته البراءة و طفل صار وياك

يمشي و ما يريد ايرد على بيته

فرحان و اجالك تدري يوم العيد

رايد بوسه منك هايه عيديته

يا أجمل بشر خالقك رب الكون

يا أطيب گلب بالصدفة لاگيته

يا أوفى البشر يا حلمي يا دنياي

يا أول شخص من گلبي حبيته

شلت كل المواجع من گلب تعبان

بيدك جرح الي ابدلالي داويته

يا اسمي الثلاثي و گمر تالي الليل

رسمك بالگلب و بدمي خطّيته

يا قوس و قزح يا مثل للعشاگ

يعشگ گلبي حد الشيب وصيته

صدّگني احبك حد گطع لأنفاس

لأنك انت حلمي إلّي تمنيته

تمنيتك گبل ما أشوفك امن سنين

حبك بالگلب من زغري ربيته

ما أضيعك من ايدي و لا أفرّط بيك

إلا بحالة گلبي يعوف جنسيته

إذا يلفي عليّة بليلة ملك الموت

اعذر گلبي لمن توصل منيته

مما راق لي

مع تحيات الجنابي

روح القصيد كانت أجمل ولامست شغاف القلب

ما أروع أن نجسد المحبوب وطنا


وودي ورودي لكل قلب عاشق بروعة هذه الكلمات المختاره

اخي الطيب احسان الجنابي
قصيده رائعه وانتقاء مميز
ولانها من مجموعه الشعر الشعبي تم نقلها هنا
تقبل تحياتي واحترامي

قصيدة رائعه في الأحساس
نابعه من قلب عاشق مجنون
شكرا لك اخي احسان على حسن اختيارك
وقد راق لنا ما راق لك
تحياتي

جميلة هي كلمات الغزل التي نثرت وبكل احساس
اختيار جميل عزيزي
وقصيدة لامست القلوب

شكرا لك وللإنتقاء المميز
مع اطيب تحياتي

ما أضنك تبيع و لا أبيعك يوم

اكو واحد يبيع گليبه و يعوفه




احييك من قلبي لهذا الاختيار الرائع

ما اصور اكو انسان ايبيع روح سكنت روحه

والوفة مطلوب بين اليحبون

لايبيع ولا يشتري بالمشاعر والاحساس

تحياتي

كلمات جميله
وذوق اجمل
تحياتي للشاعر
احترامي الكبير لك اخي الغالي
تمنياتي لكم بالخير والسلامه

تسلم اخي العزيز ويسلم اختيارك والقصيده رائعه تقبل احلى تحياتي