الك يحسين اهل دمعي ولا هاب
واسمك بالكلب ينبض ولا هـاب
اله الكون يرحمني ولا هــــــاب
حبك سيدي وحب الزجيـــــة
***********************
اكو واقع حقيقة وثـــــابت ومعروف .....واحنة البي ابد ماصرنة نتفكــــر
ورد جوري جميل وزاهــــــي بالالوان .... ومنة احنة يناس بوكتة نتعطــر
لكن ليش احمر ما ســــــالنة اشلون .....وطبعا نعلم الجوري ورد احمــــر
احمر ليش هذا الجوري يا هالنـــاس .....منهو الي يفسر سرة من يكـــدر
طبيعة اتكول لونة بحـــــــال الالوان ..... لو بيه الوفة والغيرة من عبــــر
حسبت انة وكلت هذا الورد حساس ..... لان ابيض صفاته سنين بعد اكثر
تغير لونـــــة من ابيض على هلون ..... احمر صار لونة بيوم من كبــــــر
من يوم الشهيد حســــين لاح الكاع ..... ونزف دم الكيان وذاته يتعــــــذر
نزف دم الوكت والدين ســـال وياه ..... وتراب الكاع فيض من الدمة صور
وجانت وردة جوري اتريد ذاك الماي ..... عطشانة وتريدة وما بعد تكــــــدر
غصن بيها ذبل واتوجت اعلـى الاه ..... وصاحت عالسمة وبصوت يا حيــدر
هذا حســـين ابنك عالترب مطروح ..... ورواني بدمة ابوالسجاد حتى أثمر
يعني حسين روة كل وجــــود الدين ..... وشــــــاهد هالورد يانــاس بالكوثر
ويعني العمرة يذبل لجل ابو السجاد ..... تعطرة امة الزجية ابســـاعة المحشر
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش
