ليش نموت ..... صرخه في اذان صماء

ليش نموت
لا جينه برديه
ولا هجمنه بيوت
ليش نموت
ليش من انخلق هذا الخلق
لليوم
بس اعلى العراقي يصيح
راعي الصوت
ليش نموت
ليش اتصح جثث راحت بدون جفان
لا صرخة معزه
ولادمع زاتوت
ليش نموت
ليش اطفال عدنه
تموت يوم العيد
ونجازي العجايز
عن رباهن موت
ليهسه المغول بكاعنه معيثين
ويا حوت النكتله
يكون خلف حوت
جم طاغوت راح وكلنه اجانه الخير
وبس طر الفجر
وتنصب الطاغوت
مرينه بوكت
بيه جانت الرعيان
تتسودن علينه بيوم تلبس بوت
وهسه احنه بوكت
تتشابه الرجلين
وعيون اليتامى اعلى الجدام تلوت
ومرينه بوكت
للجوع طخت روس
واجه وكت الخسر راسه اليدور قوت
ومرينه بوكت
عازتنه نشري ارواح
وبس للموت وحده مفتح الحانوت
نزرع بالنجف
يوميه من كل نوع
وتظل الحدايق
لا ورد
لاتوت
وبنينه من الجوامع
مايكفي الكون
بس وينه المصلي اللي عليهه
يفوت
علمنه الطفل
مايلعب الا سلاح
واول ما تعلم
يرسم التابوت
كافي نموت
كافي انظل جهل
يمشي اعلى وجه الكاع
لا المن اجينه
ولا عليش نموت
كافي نموت

بقلمي

محمد عبود العبودي

حياك الله اخ محمد
كبمات من الصميم راقت لنا واعجبنا بروعة
واسلوب من تفنن في ترتيبها وابدع
لك من الاعماق دعائي بالتوفيق
تحياتي

بس اعلى العراقي يصيح
راعي الصوت
ليش نموت
ليش اتصح جثث راحت بدون جفان
لا صرخة معزه
ولادمع زاتوت
ليش نموت
ليش اطفال عدنه
تموت يوم العيد
ونجازي العجايز
عن رباهن موت
ليهسه المغول بكاعنه معيثين

الله الله يا أستاذ محمد
قصيدة جدآ رائعة تستحق الوقف عندها والتأمل
بكلماتها المؤلمة
كلمات جدآ رائعة ومميزة خطت بنض
قلمك الرائع
سلمت وسلم لنا عطائك المميز
لك خالص مودتي وتقديري

قصيدة رائعه تحاكي واقعنا المرير الذي نحياه
فقوافل الشهداء مستمره دون سماع اي صرخة شجب اواستنكار من العالم
وكأن الدماء العراقيه رخيصه
والأخوان السياسيون لايشغلهم شاغل سوى الحصول على المناصب والمكاسب
فألى الله المشتكى وهو خير الحاكمين
اخي الشاعر محمد العبودي
اعجبني كثيرا بوح قلمك
ننتظر منك المزيد مما يجود فيه يراعك واحساسك
خالص تحياتي

صح لسانك اخي الكريم وقصيده
مؤثره ونسال الله ان يحفظ العراق واهله

كافي نموت


صح لسانك يالعبودي
وعاشت ايدك على روعة هذه القصيدة التي تشعبت بالألم والحزن
شكرا لمدادك النابض بحب الوطن
ودام لنا حضورك بعد انقطاع طويل افتقدنا فيه هذا الرقي والابداع

كن بالقرب دوما
مع تحياتي لك

اخي الشاعر
محمد العبودي
كلمات رائعه
ونقلت صوره جميله من واقع مر
بوركت
وصح لسانك
دعائي الدائم لك بالتوفيق
تمنياتي لك بالخير والسلامه