على الواست ولينه (ام البنين ع)

القلب يلهب ونينه ... على الواست ولينه

الاصيله ام الوفه الحره ... الوفت لحسين والزهره

على الواست ولينه
ــــــــــــــــــــــــــــــــــــــــــــــــــ ـــــــــــــــــــــــــــ

هاي النذرت سنين العمر لحسين .... وما دكت صبرهه مكدرات البين

فاضت بس لبو السجاد منهه العين ... وما همهه الضنى وااهات تعب سنين

تنادي هم يجينه ... ابو اليمه ويقينه

صبرهه من الوصي وصبره ... الوفت لحسين والزهره

على الواست ولينه

على اعتاب الهضم جن الحزن ليله ... وذابت بالمدامع للصبر حيله

يا جفني على ذكراها الدمع سيله ... واهدي العبره لام الحادي وانويله

فداكم يا ولينه ... يبن حيدر علينه

نواسي بفكدة الدره ... الوفت لحسين والزهره

على الواست ولينه

يم البالشدايد حيله من كرار ... يضل حبج لوانه وتفتديج اعمار

يامن من ضناهه اضحت خليه الدار ... لاجل عين الزجيه وعين حامي الجار

وحزن عم المدينه ... بمصابك ياولينه

عليهه جروحي مستعره ... الوفت لحسين والزهره

على الواست ولينه

ابنج يالاصيله تفرح علومه ... خبط صافي الطفوف وجال بالحومه

وفه لجفين لاجل حسين ونعومه ... وسبع تنعام راعي الغيره من يومه

المواساة بسعينه ... على ام حادي الضعينه

الابنهه جفوفه عالغبره ... الوفت لحسين والزهره

على الواست ولينه

موال الحزن يا اهل الحزن بيكم ... ريت بروحي وبدم نحري اوفيكم

واانه مكصر شما ارد اصد ليكم ... الاهل والروح يا اهل الرحمه تفديكم

على ممشاكم مشينه ... العمر الكم سنينه

وعليهه الروح متكدره ... الوفت لحسين والزهره

على الواست ولينه

خادمك

السلام على أم البنين
السلام على اعظم باكيه على الحسين عليه السلام
اخي الشاعر
وفقك الله
ها أنت تجيد فن كتابة(الصفكه واللطميه)
هذا توفيق من الله
هنيئا لك به
دعائي لك دائما بالخير والسلامه

السلام على \ام الوفاء\السلام على ام البنين
السلام عليك\اخي الحسيناوي\قصيده منبريه رائعه
وها انت قد فتحت لنا بوابة الشعر الحسيني المنبري
تقبل اخي مروري والف تحية اليك

السلام عليكِ ياسيدتي يا ام البنين
عظم الله لكم الأجر بأستشهاد سيدتنا ام البنين
وجزاك الله خيرا اخي رحيم الحسناوي
خالص تحياتي

السلام على ام الشهداء الاربعه
السلام على صاحبة الفاجعه
السلام عليكي سيدتي ام البنين
اخي الشاعر..
قرأت عن ولادة سيدة نساء العالمين وقد اجدت
وها انت تجيد في الكتابه عن ام البنين
طيب الله انفاسك
دمت ودام ابداعك
تمنياتي لك بالتوفيق

السلام عليك ياباب الحوائج ياام الشهداء

عطر الله انفاسك عزيزي
وجعلها الله في ميزان عملك
قصيدة حسينية رائعة
سلمت يداك
ودام لنا مدادك

مع تحياتي لك

السلام عليك ياام البنين ياب الحوائج
عطر الله انفاسك خويه وجعلها في ميزان اعمالك
تحياتي