من واقع الحال ومع الأسف

گبل چانت زلمنه تخوف الموت
وتشهد ألهه بالجيش القواطع
أذا صار الهجوم الكل يفزعون
وتلوذ بسدهم اسوار المواظع
وما تظرب مدافعهم صواريخ
غيرتهم تثور امن المدافع
أذا يحچون تهتز الدواوين
واذا يمشون تهتز الشوارع
حواجبهم أبد ما عرفت الخيط
ورسم غيرة بگصصهم چان طابع
ورغم چان اليصلي يعدمه جلاد
أذا أذن يترسون الجوامع
وللأسف بعض الزلم في هالزمان
أجه تيار الغرب فجئه وعما
لابس الزنجيل وسوار بأديه
عوزه بس ترچيه ما نعرف شجا
ومن كثر ما ضيگه هدومه العليه
ضيگ بصدر يحس كلش هوا
يگعد امن الصبح يطرب عالغناء
وهو واجب يگعد الفرض الصلا
حواجبه يحفهم أسف مثل النساء
ويخترع لو طاحت الأبره ورا
أخ ما يصرخ مثل باقي الرجال
أوي يصرخ لو يظربونه بگفا
وگبل نسوانه تخوف الزلم والموت
لأن نسوان چانت كلهه مستوره
مالبسن بدي اولا بنطرون اگصيف
ولا فوگ الركب لبسن التنوره
زلم ما صادقن لا خابرن بالليل
لا راحن اوياهم لارض محضوره
ما حفن أبد لا خلن المگياج
ولا بيهن التحچي بعين مكسوره
رفعن راس اهلهن بالشرف والله
ونور الشرف منهن يقتبس نوره
وحدتهن صدگ تسمه بت البيت
لأن عفت شرفهن صارت اسطوره
ويا وسفه في هذا الزمن
بعض النساء او للأسف ثوب الستر بدلنه
يلبسن لبس ما يلبس
ويتمشن بطول الزلم واسم الخجل شالنه
يلبسن بناطير وبعد
مگياج متروس الوجه والحاجب يحفنه
واحجابهن ما ينزع
بالبيت لكن للأسف بالشارع ينزعنه
بجوالهن أسم الولد
موجود لكن من يدگ يطلع بنت بالرنه
خلن أهلهن بالخلگ
بلا هيبه لن اسم الشرف بارخص ثمن باعنه
ويخوانه شويه انتبهولي
ولتخلون الدنه ادغركم
صلو وصومو وأنسوا لدنيه
مگضيه الدنيه وداعتكم
ولتقلدون الغرب بلبسه
لبسه يذلكم ما يرفعكم
وانصحكم يولاد ابلادي
علمو الغرب شلون يجلكم
علمو شنهو شيعني عراقي
علمو شنهو شيعني أسمكم
يعني (حسين) الما ذل والله
ويذل الرايد ذلتكم

الشاعر
احسان القريشي

الاخ الشاعر
كانت قصيدتك مرآة لما نعيشه الآن في مجتمعنا
فهناك شريحه وللأسف ليست قليلة من الشباب
يحاولون ان يحاكوا الغرب في طريقة اللبس
متناسين طبيعة مجتمعنا وتقالدينا وقبل كل هذا تعاليم ديننا الأسلامي
ندعو من الله تعالى ان يهديهم
خالص تحياتي

كلمات حاكت واقع حال
صيغت بسلاسة وجمال
ونقلت لنا صورة من سلوكيات بعض شبابنا
أجدت التعبير عزيزي
شكرا لك وللمداد الرائع
مع اطيب تحياتي

تقبل تحياتى ومرورى شكرا لك

سلمت
وسلمت يداك
وصح لسانك
اخي القريشي..
اتمنى ان يسمع كلامك الجميع
دعائي الدائم لك بالتوفيق
اتمنى لك وللجميع الخير والسلامه

اقتباس:

---

المشاركة الأصلية كتبت بواسطة السومري71

الاخ الشاعر

كانت قصيدتك مرآة لما نعيشه الآن في مجتمعنا
فهناك شريحه وللأسف ليست قليلة من الشباب
يحاولون ان يحاكوا الغرب في طريقة اللبس
متناسين طبيعة مجتمعنا وتقالدينا وقبل كل هذا تعاليم ديننا الأسلامي
ندعو من الله تعالى ان يهديهم

خالص تحياتي

---

حبيبي الغالي اشكر مرورك الكريم الي نور القصيدة وتحياتي الك يا طيب وان شاء الله يهدي الجميع

قصيده قمه فالرووعه باارك الله فيك