http://www.s3udy.net/pic/salam_kalam002_files/15.gif
إليكم مجموعة من الإبو ذيات حتى وان كانت بعض منها مسموعة
سابقاً لكن قد يكون البعض الاخر جديد على مسامعكم
اترككم مع الابيات
777777
777
7
روحي من الهجر ملت .... وسالت
عليه احباب لانشدت .... وسالت
الف دمعه الجرت مني .... وسالت
ولادمعه الجرت منهم عليه
عقد ياقوت ذرعانك .... وفضه
على المخلوق طش حسنك .... وفضه
حسابي وياك اريد اكعد .... وفضه
واحجي العلي والمو عليه
غرف رمان بخـــــدوده .... غرف تين
ويريت اغرفلي من حسنا .... غرفتين
داجر مشتمل كلبي .... غرفتيـــــن
والايجار بوسه بكل مسيــــــــه
اخذ گلبي حلالك .... وانتحر بيه
اخذ دمي وشرايني .... وانت حر بيه
سم بالماي احطن .... وانتحر بيه
ولا غيرك يمس اصبع من اديه
عذرا لون روحي .... حاسبتكم
لانكم جزء منه .... حاسبتكم
بجاه الحسن تعطل .... حاسبتكم
شاشه وكيس والفارة سويه
بعتني و اني احبك .... و انت شاري
حبيبي انت شهرتي .... و انتشاري
على يا قبله ذبحتني .... و انت شاري
و حتى بسم الله ما سمه عليه
الدمع ضل يفرك بخدي .... ودلك
ومشيت وياي ماتدري .... ودي الك
ياهو الجابك لگلبي .... ودلاك
تهت بس روحي الدور عليه
زلازل ماتهز كلبي ......ولعصار
وطحن ماأثر بحالي.....ولعصار
لجن حاله اصبحت عندي.....ولعصار
تذوب الــــــــــروح من تجبل عليه
طعم طيبك يغالي عسل .... وي جوز
ومنك مايتوب الكلب .... و يجوز
تريد انساك بس بالموت .... و يجوز
تلمنه الاخره ونرجع سويه
يهل تنشد لحالي ....حالفاني
وبس الحزن بعدك ....حالفاني
ابد ما احب غيرك ... حالف اني
وجدت روحي الك بثنين اديه
ابد ما اصطبيلك .... وانتبهلك
وحذر حيل مني .... ونتبه لك
انه ابهلي ازامط .... وانته بهلك
اذا اهلك زلم هدهم عليه
وحك من ضافلك نكهه .... وحلاك
اشدك وكت ماريدك .... وحلاك
روح العب ويه البعمرك .... وحلاك
تره ويانه العب صدك اذيه
ذبل هرش الكلب لاجلك .... وخاوه
وطمع ما ردت منك .... وخاوه
الفخر مو للذي عاشر .... وخاوه
الفخر للطيب اليذكر خوييه
هجم حبك على سنيني .... غزلها
وروحي بمغزل الحسره .... غزلها
القصايد بس الك لايك .... غزلها
شكد افرح اذا تسأل عليه
ملون هل العراق وصار .... عادي
وخسر كلمن أجانه اليوم .... عادي
بينه شما تمر صعبه .... عادي
رضعنه رصاص ومن البندقية
خلافك الدنيا وحشه .... ومره
ولا منك بعد جيه .... و مره
صورتك مره اضمنها .... ومره
اشوفنها وتوج نيران بيه
ياصاح شلونك بهجري .... وانه بعيد
لاجلك البس الاسود .... وانة بعيد
تكلي حيل احبنك .... وانة بعيد
اكرر والصدى يرجع علية
أظل أكتب شعر للطيبين .... وأنشد
وأسأل على الصاحب دوم .... وأنشد
وأصير حزام وكت الضيج .... وأنشد
لكل عزيز وغالي عليه
افكر بيك يا حبي .... ولا انام
ولا غمض جفن عيني .... ولا نـام
احب اكعد يمك .... ولا نــــام
بعيد وشوفتك حسرة عليــة
وحك التين والزيتون .... والمن
اجروحي الطابن امن اسنين .... ولمن
السدر والجفن والكافور .... والمن
كَبل طرت الفجر يسرون بيه
نحل جسمي وزاد اليوم .... مرضاي
على اللي ما شفت له شخص.. مرضاي
لو بات الترف بحشاي ......مرضاي
اكَله اكَرب يهل مبعد عليه
يعاذل نار شوكَي هل ......تمسني
إهديني الشوف حبي ....والتمسني
بجه من مد يمينه ........والتمسني
لكَاني نفس ما مش جسد بيه
الزمان وي الجواد بسكَم.... كَصرن
ويبني بيوت للأنذال .......كَصرن
الكَصير يطول وال بي طول ..كَصرن
الصكَر يطلب من البومة هديه
أنه بدنياي عيبن شفت .....راحات
أو علي مرت ليالي العسر... راحات
أجيبن هاي كَالوا ذيج ........راحات
أخافن بالقيامة ذيج هيه
نحل جسمي وتظل روحي ...تعالي
هبطنه والنــــذل بينـــــه ....تعالي
يجارة الدهر ما انصف .......تعالي
نخلط همومنا ونجسم سوية
اتمنى انها اعجبتكم
لكـــــم تحــــيتي
منــــــــقول
