ياناس امصيبه امصيبتنه نحجي تفضحنى قضيتنا نسكت تكتلنا علتنا

ياناس امصيبه امصيبتنه نحجي تفضحنى قضيتنا نسكت تكتلنا علتنا
---------------------------------------------------------------------------------------------------------------------------
في بداية أود أبين بعض من الحالات في حياة العراقيين بدون استثناء
كنت وأنا في بداية عمري الشباب أشاهد المجتمع متفائل في الحياة.
كان المجتمع متعاون ما بينهم في كل الأمور بعيد عن النزعات العرقية والشخصية وحتى العشيرة كلهم يد واحده أنا أتذكر إذا حدث شيء في الموصل يحزن عليه ابن ألبصره وبالعكس يتقاسمون الهموم والأفراح ما بينهم
وحتى التعاون التجاري مشترك ما بينهم لا فرق بين سني وشيعي ولا مسلم ولا مسيحي بالمعنى كأننا بيت واحد عدى ما حرم الله
وكان التعامل ما بينهم في الهاتف بدون ما يراه و الثقة والأمان متبادل ما بينهم.
من هنا بدأت ألتفرقه؟
في يوم من الأيام وإذا أشاهد الشعب العراقي قد ظهرت الفرحة ما بينهم قسم فرحان والقسم مهموم بقيت اسأل ما أفرحهم وما أبكاهم ؟
الذي أفرحهم قالو قتل ملك العراق وخلصنا من الاستعمار راح العراق يزدهر واليوم نفط العراق ملك العراقيين
أتذكر كنت واقف وإذا مسيرات مرت في الشارع ولافتات وهتافات
أول مجموعه حزب الشيوعي وبعد قليل مرت مسيره وإذا مكتوب حزب القومي وبعدها مسيره حزب البعث وبعدها بدأت طلاقات نار وهرب الجميع والى البيوت منهم من قتل ومنهم من جرح
وفي اليوم الثاني الناس تتكلم في حماس كلهم يقولون سنبني العراق
وترجع خيرات العراق إلى أهلها ؟ ما نعرف منهم أهلها يعني العراقيين أو غير العراقيين ؟
وبعد سنه أو أقل أسمع بين العراقيين في الصلاة يدعي إلى الله يقول
(يا كريم اخذ كريم )
ذهب عبد الكريم وجاءت فترة اظلم من الأولى جاء حكم ألعارفي صاحت القومية العربية هذا هو الرجل الأصيل هو يعطي حق العراق والعراقيين وبعد كم سنه ذهب في حادث طائره جاء أخاه
والصراعات مستمرة كل يوم نسمع أو نشاهد حدث جديد من حرب الشمال عام 1963 وبعد فتره قليله وإذا بيان رقم واحد تغير الحكم في العراق من حكم عارفي إلى عفلقي بدون أي أطلاقات نار بس اهازيج انها ثوره بيضاء إلى العراقيين وبدون أي ضحايا
كانت الضحايا في الوسط والى يومنا هذا ؟
هذه الثورة البيضاء إلى العراقيين ؟ كلها دم وتشرد وحروب
جئت سنة 2003 راح حكم العفلقي فراح الشعب وهلهل
وجاءت الديمقراطية ما نعرف عنها شيء هيه امريكيه عربيه غربيه شرقيه المهم ديمقراطيه كل واحد يفسرها حسب معرفته أو فائدته
أخواتي وإخواني اليوم نحن سنة 2010 أين هم العراقيين أهل الحرية والبناء والعطاء
من المسؤل عن دماء العراقيين المهدورة إلى حد الآن
ياسياسين يا أصحاب القرار رجعونا إلى حسابنا الأول مو أحسن
ما نريد بناء نحن نبني بدون أحزاب ولا عنتريات ولا وطنيات أهل الوقت
اليوم مات الوطنية في العراق الله يرحمنه بلكت الله يرزقنه وطنيه جديدة خاليه بس من الدم
واليوم أصبح العراقيين واحد ناصب على الثاني باسم بناء الوطن وماشاءالله عشائرنا العراقيين ما عدهم بس هوسات ودبكات واكل الدجاج والهبيط
وفي الختام إني لست سياسي بس احمل روح وطنيه خاليه من كل التعصب العرقية والدينية
أسال الله الباري عزوجل ان يخلصنا من كل مكروه وانشاءالله نرجع مثل ما كنا ابن البصرة يحب ابن الموصل وابن الانبار يحب ابن النجف وترجع خوتنا اللهم فرق وانتقم من من زرع الفرقة بيننا
والله امصيبه امصبتنا نحجي تفضحنا قضيتنا نسكت تكتلنا علتنا
تحياتي وتقديري الى كل من يقراء في قلبه ولسانه و الله المستعان على ذالك

حقيقتا اخي الغالي

موضوع في غاية الأهمية

هو حال العراقين

انا احب ان اعقب واضيف
ياتي يوم ندم على هذا اليوم الذي نحن فية وندم على الحكومة الحالية

كما ندم الشعب العراقي على الزعيم عبد الكريم قاسم
الف شكر اخي الغالي على ماسطرت اناملك

مع كل التقدير والاحترام

حياكم الله وبارك بكم على هذه الروح الوطنية التي نتشارك بها
وفرج الله قريب ان شاء الله
وان مع العسر يسرا ان مع العسر يسرا
واعتقد ان العراق عانى من العسر ماعانى
ونحن ننتظر تكملة الاية الكريمة بكل يقين برب العالمين بأنه ارحم الراحمين
شكرا والف شكر لموضوعك الحماسي والوطني
دمت بالف خير
تحياتي

والله وعاشت ايدك ابو علي على هذا الموضوع المهم
صدقت بكل كلمة كتبتها


وهذا حال العراقيين لن يتغير ولن يتغير
وعلى كولتك هي مصيبه مصيبتنه نسكت نحجي نفس الالم


تحياتي وتقديري

ألف تحيه الى اختي واخي العزيز و أشكركم على هذا المرور الجميل
تحياتي وتقديري