صدرك مو صدر منحوتة بي قمتين/هديتي للمنتدى مع تحياتي

((صدرك مو صدر))

اغنية العمر والناي صار الليل

وأطوار ألعشَك ارتاح واسمعها..

أعيوني امنالبجي شيب جفنها أعليك

طاحن بين أديهّ وفاض مدمعها..

لو رايد عتب نتعاتب إنيّ وياك

بس احجايتي المفروض تسمعها..

من كَتلك احبك نبعت أبخلاص

ما كَتلك احبك جلمة أراجعها..

اريدنك جمر بعيوني كون أتنام

مو دمعة فرح من اضحك امسحها..

وإذا اتكَول الدرب ضيعته انته وياي!

جنت أعمة وعِِصاتك إنيّ اتبعها!!

حيرني جمالك لا أنس لا جان!

لأن حور وملاك أوصاف جامعها..

يبو عيون الكحيلة وشعر لون ألليل

بس راية جمالك انته رافعها..

اشفافك من خمر اسكر ودوخن بيك

وبس خمرة اشفافك ديني شرعها!!

وصدرك مو صدر منحوتة بي قمتين

وبنصهن نهر دوخني منبعها!!

أحسن بيك ترجف من كَعدت وياك

وانيّ النار بيهّ الشوَك ولعها!!

أمد أيدي أعلة خصرك ارجف واحتار

أحس جفي خدر والروح طلعها..

جم مرة الكَلت بوساتي كلهن شوَك؟؟

ولشفافك اثر بخدودي طابعها..

دله أبنص جمر والعشك بيهّ يفور

وجمدوب الصبر لو علتي أجرعها؟؟

محطة أبنص عمر والسجة نص الليل

وأيامي ضياع وانته بايعها..

دخاف الله يخايب وارحم اليهواك

مو كَلبي حركَته وروحي شالعها!!

**********************
مع تحياتي

الشاعر/جلال البطاط

اريدنك جمر بعيوني كون أتنام

مو دمعة فرح من اضحك امسحها..

وإذا اتكَول الدرب ضيعته انته وياي!

جنت أعمة وعِِصاتك إنيّ اتبعها!!

----------------------------------
الله الله عليك
كل الحب والتوفيق
تقبل مروري وتحياتي
اخوك ابو سجاد العتابي
امريكا

اريدنك جمر بعيوني كون أتنام

مو دمعة فرح من اضحك امسحها



حيا الله البطاط في منتداه وبين اخوانه
بداية جدا جميلة
عذوبة في المعاني
ودقة وقوة في المفردة
مداد ينطق عذوبة وجمال
كل الشكر لك ولجميل مانثرت من احاسيس
لك اطيب تحياتي
وننتظر بشوق جديدك القادم

دمت بخير عزيزي

من كَتلك احبك نبعت أبخلاص

ما كَتلك احبك جلمة أراجعها..

الله عليك ياشاعرنا
كلمات واحساس صادق
دمت ودام لنا هذا المداد
ننتظر جديدك بشوق
تحياتي

الشاعر المبدع والصديق العزيز حسام الصياح
الاخ ابو سجاد العتابي
الاخت الفاضلة ام فيصل
الاخت الغالية ام علاوي

شكري وامتناني لمروركم الكريم وكلامكم الجميبل...واني بصراحة جنت جاي اتصفح بالانترنيت وشاهدت احدى نتاجاتي منشورة في منتداكم الراقي وحبيت ادخل واسلم عليكم..وللتعرف على اصدقاء طيبين وحلويبن مثلكم...تمنياتي لكم بالتوفيق مع ودي واحترامي للجميع.
اخوكم ابو سامر

طايحله غزل واتدكـَله ناعم تهيج

عفيه عليك صابر طول هالمده

لو هيج اني مثلك عندي صاحب توب

ما عوفه شلع وياه عالمخده

واخذ راحتي ومن عندي هم يرتاح

وانسيه العذاب او وحشة الوحده

*********************

تحياتي اخويه سيد جلال يا مبدع

والله فرحت من شفت اسمك هنانه

تقبل مروري بموضوعك الرائع يا مبدع 0

قصيدة غزل رائعه وفيها معاني كثيره شكرا وتسلم

الله عليك على هذه القصيدة الرائعة

كلمات في قمة الروعه تحمل الكثير من الصور الشعرية الرائعة

ننتظر جديدك ياشاعرنا المبدع

تحياتي وتقديري الك