اذكر الله اخر قصيده لسفيرة الشعر

اذكر الله وكوم صلي عالرسول
يلي لحظه حساب عمرك مايطول
كوم لتخلي الفجر يطلع عليك
مايفيدك نوم ليبوكك خموووول
انهض من الحين واطلب مغفره
ولاتخلي ابليس من عندك ينول
هي فرصه وشحت اليوم الفرص
لاحيه بالدين لا عيب وخجول
لودعيت بخوف يم ربك يقين
اعتقد بالله كل همك يزول
موعجيبه اتصير مسكين وذليل
هذا طبع اليطلب وهذي الاصول
انخه ربك لويضك بيك الدهر
وشوف ربك من تندبه تنخله
مايردك كون بالحق تساله
صدك بكلبك يحل كل مشكله
هذا شان الباري معروف الصفات
ميرد مكسور خاطر سائله
شكد على ابنادم فضل راجع اله
ولو يكصده النوب بعد يكمله
ابطريقه اليمشي وي خير العباد
الكل هدف سامي ونبيل يوصله
ولو جحيم ونار كلبه يصل عليه
يكلب النيران جنه يحوله
ولو ظلام الليل كله التم عليه
يشعل انجومه ويضويله الكمر
مايعوفه يتيه بعيون الطغاة
النور نوره ومايسد باب النظر
بعينه يرسم خارطه لكل الجهات
ويرسم انواع المناظر والصور
عالصراط يفوت ماذل مستقيم
واضح بخطوات ايمانه وعبر
ولو تدك وتفوت بيبانه المحن
يعزبلهه يكوم ويقدم الصبر
شنهي جوع الماعرف ربه شيريد
هو موصوم انتهى بعيد الفطر
لا ولا تنقاس هيج المساله
ربك يريد بعلي يصافح عمر
وراد بالانبار تفطر كربله
وبالعماره تصلي سامره الفجر
كوم صاح الصوت حي عالصلاة
وادعي للغلطان والتمس العذر
كوم يبنادم بديك ازرع غصن
واكسر الفاس التحطم بالشجر
شكثر ايات ربك لافته النه
وعسى الشيطان لاطب لا فته النه
خوه وراح نرفع لافته النه

على عناد الكفر والطائفيه

:66 (46)::66 (46)::66 (46):

مع كل الحب اتمنى ان تعجبكم


:66 (46):سفيرة الشعر:66 (46):

انخه ربك لويضك بيك الدهر
وشوف ربك من تندبه تنخله
مايردك كون بالحق تساله
صدك بكلبك يحل كل مشكله
هذا شان الباري معروف الصفات
ميرد مكسور خاطر سائله

والنعم بالله

صح لسانج وعطر الله انفاسك على هذه الكلمات الطيبة
ودام لنا هذا المداد النابض
تحياتي واطيب امنياتي لسفيرة الشعر

ونعم بالله القادر على كل شيء
سلمت يدكِ وعدطر الله انفاسك
بوركتي اختي سفيرة الشعر
تحياتي

تسلمين يالمتألقة علة هذا الشعر الجميل الله ان يوفقج وانشاء الله نشوف منج المزيد
تقبلي مروري...........

حقاً أنتِ سفيرة للشعر الجميل والراقي

أعجبتني هذه القصيدة كثيراً , لأني أحسها

صادقة من حيث المشاعر والأحاسيس , وهي

تحمل عاطفة متدفقة كالموج الذي لايحده حدٌّ

سفيرة الشعر

سأتابع أعمالكِ عن قرب سيدتي لروعتها وجمالها

تقبّلي تحيتي و:66 (46):


جمال الساير البصري

شكراااااااااااااااااا


لروعة ردودكم وعطر تواجدكم الدافى


دمتم بود

شكرااااااااااااااا


لتواجدكم ومروركم الغالي


دمتم بود