ابوذيات رووووووووعه الجزء الاول لسفيرة الشعر
قوافي الشعر باكت كل وكتنه
وصرنه ادموع بعيونه وكتنه
صحت ارجوك يمعود وك اتنه
على فراكك تشب نيران بي
عليك الدمع من عيني هملك
كلبي ولاتضن ساعه هملك
لون روحي تحب لنوب هم لك
ترد تختار بس حبك اليه
حياتي وروحي وعيوني وقف لك
وفز الكلب من شافك وقفلك
كونك باب بكليبي واقفلك
ويضل كلبك محبته بس اليه
روه العطشان من حبك ورد بيك
يكل العطر والجوري ورد بيك
افر الدنيه لعيونك وارد بيك
واحطك للكلب شريان اليه
ابد مايوم عالطيب كلبنه
نفدي الروح والعين وكلبنه
دهرنه شما لعب بينه كلبنه
نبقى السور للصحبه الوفيه
لون تدرون بكليبي علي كم
هموم ودوم ينشدني عليكم
وحك بيت النبي وحيدر عليكم
اضل انشد يمن غبتوا عليه
اخلاقك ذهب صافي وثقلك
وثيقه بلا ورق كلبي وثقلك
ارخص العمل لعيونك وثق لك
افدي الروح وكليبي سويه
ابكلبي انزرعت الطيبه وغيره
ومنك لاتظن يفتر واغيره
صاح اهواي احبنك وغيره
ابد ماحب لو ن تدنه المنيه
ابد مايوم لطيب جرحنه
نضحك بالوجه وانظم جرحنه
اذا سال الدمع منكم جره احنه
دمعنه يسيل كل صبح ومسيه
تركني ورد الك كلبي ولك عاد
دهاك جروح اشو دحسب ولك عد
اجاك توسلك يبجي ولك عاد
جوز من الالم كلبي خطيه
تقبلوا تحيات
ملكة الابوذيه
الشاعره
ام مريم
:66 (46):تماضر الجبوري:66 (46):
رد: ابوذيات رووووووووعه الجزء الاول لسفيرة الشعر
ابد مايوم لطيب جرحنه
نضحك بالوجه وانظم جرحنه
اذا سال الدمع منكم جره احنه
دمعنه يسيل كل صبح ومسيه
أم مريم
بداية ارحب بك وبعودتك لمنتداك بعد طول هذا الغياب
فكم اقتقدنا جميل وروعة مدادك
حياك الله عزيزتي
ونأمل ان يكون الحضور دائم ومتالق كما عهدناك
ابوذيات جميلة وروعة في المعاني
لاحرمنا مدادك الناطق عذوبة وجمال
لك اطيب تحياتي
رد: ابوذيات رووووووووعه الجزء الاول لسفيرة الشعر
الغاليه العزيزه ام فيصل الغاليه
ممتنه جداااا لهذا المرور الكريم من لدنك عزيزتي
كم اسعدتيني بهذا التواجد
دمت بكل الحب
رد: ابوذيات رووووووووعه الجزء الاول لسفيرة الشعر
ابد مايوم عالطيب كلبنه
نفدي الروح والعين وكلبنه
دهرنه شما لعب بينه كلبنه
نبقى السور للصحبه الوفيه
الله الله عليك اختي
باقه رائعه من الأبوذيات
سلم هذا الأحساس العالي
تحياتي
رد: ابوذيات رووووووووعه الجزء الاول لسفيرة الشعر
الكلام يعجز عن التعبير
شكرااااااا اقولها بكل الحب
مع باقه ورد
رد: ابوذيات رووووووووعه الجزء الاول لسفيرة الشعر
مجموعه جميله من الابوذيات شكر ا لك
رد: ابوذيات رووووووووعه الجزء الاول لسفيرة الشعر
الله عليك اختي الكريمه ام مريم
ابيات غايه بالروعه ومنوعة المعاني والمحتوى
تسلمين ويسلم مداد يراعك المنساب دوما 0
رد: ابوذيات رووووووووعه الجزء الاول لسفيرة الشعر
شكراااااااااااااااا
لمروركم وتواجدكم اعزائي الغالين
دمتم بود
