الشاعر الشعبي الشهيد ................. رحيم المالكي

http://www.alnoor.se/images/gallery/.../news_3/20.JPG

رحيم طاهر جناح المالكي مواليد .. 1962 ولد الشاعر المرحوم في محافظة ميسان
قضاء الكحلاء اكمل دراسته المتوسطه في بغداد حيث انتقلت عائلته اليها بعد وفاة
والده واكمل الدراسه الاعداديه في اعدادية الكرامه المسائيه الفرع الادبي اسس
مع الشاعر فالح حسون الدراجي عام 1986 منتدى الشعر الشعبي في مدينة
الثوره (مدينة الصدر حاليآ ) فاز بجوائز ومسابقات شعريه كثيره على مستوى
القطر حيث نال على الاولى 4 مرات والثانيه مرتين منذ عام 1990 فصاعدآ , كما
حاز على جائزة الابداع عام 1996 من جمعية شعراء الشعب . وهو اول من قرأ القصيدة
الحسينيه على منبر جمعية الشعراء ليعطي بذلك دفعه كبيره للشعراء الاخرين
ليحذوا حذوه كتب اجمل القصائد تلك الفتره ومنها الفرات وابو طالب ولا تلوم العين
وعلى بيبان الجنه وغيرها . وفي 25\6\2007 كان الارهاب الاسود في العراق يخطط
لضرب مؤتمر المصالحه الوطنيه في فندق المنصور ليتم له ذلك فيخر الشهيد
صريعآ بحقد الاوغاد فكان مأتمآ كبيرآ للعراق عم الحزن عليه بكافة ارجاءه.

عدد الدواوين 1

عدد القصائد 11

الديوان اسمه هواجس ويتضمن:-


ياعراق
متزوج ارهابية
الى غني محسن البهادلي
رسالة الى دكتورة حسنة ملص
امسح ياذنب
لاتلوم العين
حرامي الشريعة
يافرات
الابوذيات
الموت في الغربة
رافضني


واليكم قصيدة لاتلوم العين:-

لاتلوم العين

لاتلوم العين وتنشف الدموع
أشضارك لو دمع صبت عيني

لو تعرف أسباب نوحي وليش أنوح
جا صرت عبرة وتجي أتبجيني

أنته ماعندك جرح تبجي عليه
أوين تلكة حسين مثل حسيني

كون مثل حسين عندك دلني بية
وين هذا حسينكم دليني

لكن أنت أمنيلك ومنين أجاك
أبيا هو منهم تكدر اتباريني

حسين من دمة وضع للدين أساس
وحاولت ربعك تهدم ديني

وهيه لو ما كربلة اوكفت حسين
أنة مدري اليا شمر تهديني

أنا مو بيدي أذا أذكر حسين
هيه تركض للصدر جفيني

حسين ثار الله ومحمد وصى بية
وعن وصيته النبي مايعفيني

أحسين ثارة وحاشا ينسى ثار
وعن قريب الصوت اله يناديني

تري تلهيني واكلك مستحيل
حسين ثاري وعنة ماتلهيني

ممكن تهدمني بس يبقى الأساس
شما يمر عاشور هم يبنيني

الف وتلثميت عام وانة هاذ
وعجزت سيوف الظلم تثنيني

أشكثر جم حجاج مرو بالزمان
وحاولت كبلك دول تمحيني

أنة سجت شرف وجروحي كزاز
ياجدم حافي الكدر يمشيني
ياجدم حافي الكدر يمشيني

م / ن

نبذه عن شاعر كبير وقلم مميز ولامع بين شعراء العراق
رحمة الله واسكنه فسيح جناته رحل مغدور في هذه الدنيا
لكن بقي اسمه وسمعته وصيدته في العراق
كل الشكر لك اخي جبروت رجل لهذه النبذه عن شاعرناالمرحوم
تحياتي لك

وهذه قصيده عن لسان امه وابوه للشاعر رحيم المالكي

ابكتني فعلا كلماتها

مو ميت عدل واكبالي اشوفك دوم
واتامل رحيم لغيبتك رجعه
ماصدك غفل يوليدي عني تروح
مستعجل تريد فراكنة بسرعه
كدامي القلم كل ساعة اشمن بيه
بلكي عللقلم نيشان من صبعه
وشكد ذكريات مخلي علاوراق
وحجايات حلوة ابالي متجمعه
نقره بدفترك حد ماتطيح عيون
والبوم الصور نشتاق ونطلعه
عيني عللدرب من ربعك يردون
اكولن بلكي اشوفن جاي وي ربعه
ويطول انتظاري او وكفتي عللباب
عين اتاني تبقه وعين بالدمعة
راح التعب يمه وذاك سهرالليل
لاجني صدك ربيت وأمرضعه
لاجني ابمهد هزيت الولي عليك
يبني ولمن تمرض قلبي اتصدعه
طكتني المصايب واوجرت وياي
متعنية وعلي بيبانهه مشرعه
يومية انلجم يومية عندي مصاب
وانه عللمصايب مالي كل جرعه
شريد انسه ييمه منيلي النسيان
هو الجرف ينسه الماي ويودعه
يوليدي العراقية تسولف بيك
لمن تذكر اسمك كَلبي اتكطعه
تبقه عيوني تربي مكابله الشاشات
بلكت صورتك لو صوتك انسمعه
ظلمة ليل صارت دنيتي بلياك
يلحارك حياتك للوطن شمعه
انته وكل شهيد الطاح وفه الكاع
ياسيف العراق او مهرته ودرعه
اقنع روحي يمكن لو كلت انساك
بس كَلبيي الدفنته وياك شيقنعه

زيزي
كل الشكر لك ولإختيارك المميز

الشاعر رحيم العراقي رحمه الله باقي في قلوب العراقيين بكبمته وروحه الطيبة
رحمه الله ورحم شهداء العراق جميعا واسكنهم فسيح جناته

نبذة مختصرة عن حياة هذا الشاعر الرائع اعادتنا الى الوراء حين كان يتغنى باشعاره من على قناة العراقية
لاحرمنا حضورك وابداعك عزيزي
مع اطيب تحياتي لك

رحم الله الشهيد الشاعر رحيم المالكي
وهو باق في ذاكرة وقلوب كل من نهل من ابداعه
ويبقى رمز لشهيد القلم والمباديء
تحياتي لك اخي جبروت
وشكرا لك لتذكيرنا بهذا الرمز