عاجل عاجل عاجل

عاجل
كلمة تعودنا على مشاهدتها يوميا في شريط التايتل في كل الفضائيات العراقية والعربية
يخبرنا
عاجل افندي
ان انفجار في بغداد
او
انفجار في الموصل
او
انفجار في البصرة
او
انفجار في الحلة
او في كل محافظات العراق الحبيب
سئلت عن عاجل من يا عشيرة ومن يا عمام وين بيتهم وشيشتغل واشكد راتبه الي اربع وعشرين ساعة موجود صبح وليل ليل وصبح
فلم اوفق في معرفة
عاجل
ولكن احد الاصدقاء انقذني
وقال لي
عاجل
شخص ظهر للوجود في العراق بصورة علنية وواسعة وعلى كافة الاصعدة بعد سقوط بغداد او احتلال بغداد او تحرير بغداد او سقوط الصنم او نهاية الدكتاتورية بكيفكم اشلون تردون اتسمونه سموه
وقال لي
ان
عاجل
متواجد دوما تحت الطلب مثل
104 ايام زمان والرقم خاص بالنجدة
تطل علينا المذيعة او المذيعات في اغلب الفضائحيات عفوا الفضائيات وهي مصبوغة من راسها الى اخمص قدميها بالبوية والبنتلايت الاحمر والاخضر والازرق وكل الوان الطيف مثل الوحدة
الي ما شايفة وجوعية
عباله هي بالمكياج
مو علچ المخبل ترس حلگه
عاجل
تطنق عاجل وهي مبتسمة
ما اعرف
عاجل يدغدغه الله اعلم
انفجرت ثلاث سيارت في بغداد
تتصل بالسيد فلان الفلاني عضو مجلس محافظة بغداد
وبعد وهلة
ناسف لم يتحقق الاتصال
وبعد اشوية
تعود اهلا استاذ فلان الفلاني عضو مجلس محافظة بغداد اهلا بك على الهواء مباشرة مع قناة ال ـ ـ ـ ـ الفضائية
يرد وبصوت اجش ومتنك علينا وصورته طبعا مرتبة ومرتب وقاط ورابط والله يرحم ايام الدشاديش البازة المقلمة
اهلا وسهلا ونشكر قناة ال ـ ـ ـ ـ
لاتاحة الفرصة لي
تقول المذيعة المصبوغة
استاذ باعتبارك عضو مجلس محافظة بغداد
ما هو دوركم في التصدي لهذه الهجمات التي اجتاحت بغداد
يقول الاستاذ الموحترم عفوا المحترم
اح اح اح اح اح صوته مطبك لان امثكل البارحة ومكعبات الثلج
مأثرة على صوته
شوفي بغداد هي قلب العراق وعاصمة العراق
ماشاء الله اشدعوه على هاي النباهة والفطانة وهاي المعلومة بغداد عاصمة العراق
واشتغل التشخبط مالته والكلام المنسوخ القاعدة وفلول البعث الصدامي
زين وبعدين
والله حفظناها عن ظهر قلب يمعودين
انتوا شنو سويتوا شنو اقتراحاتكم شنو قدمتم للخطة الامنية الصبات الكونكريتية كثرتوها
ابدا ولا يعرف شيجاوب
المذيعة المصبوغة تقول شكرا أستاذ لااعطائنا من وقتكم
هو اشعنده واخذتي من وقته
تخامة ورگع بوب
بس رواتب قوية
بالمناسبة
تمكن احد اللصوص من سرقة مسكن احد اعضاء مجلس محافظة بغداد في منطقة القادسية مقابل جامع ام الطبول واستحوذ السارق على
16 مليون دولار وحلى ذهبية تزن خمسة كيلوا
ادري بكال مال ذهب
ومنين جابهن هذا العضو
الف عافية ببطن هذا الحرامي والله حيل بيهم
مال المي للمي ومال اللبن للبن
ادرت جهاز التلفزيون على محطة اخرى وتظهر علينا الفنانة الراقصة عفوا المذيعة تتمرگص وتلف وتدور بالكرسي وتلعب بشعر راسها
معي الان على الهواء عضو مجلس محافظة بابل ـ ـالحلة ـ ـ
استاذ ما هي الاخبار واخر الاحصائية التي توفرت لديكم عن التفجيرات الاخيرة في باب معمل نسيج الحلة
نفس الكليشة مال عضو مجلس محافظ بغداد
لكن هذا قال
ان الحلة الفيحاء
هي بزمانك لو بزمن البابلين هي فيحاء وانتو سويتها جرداء
الاحصائية تبشر بخير وان شاء الله ماكو شي ولكن اعتقد هناك انفجار في قنينة غاز كانت داخل السيارة لاحد العمال ومن حرارة الشمس القوية انفجرت القنينة وتسببت في اضرار السيارت الاخرى
عاجل ولگ عاجل وين رحت تعال شوف يمعود
الله ينتقم منك ومن ساعة السودة الي شفناك بيها
تعال شوفلي هاي الصور مال قنية غاز
العباس عليك عاجل اذا تكذب الله يذبك بالنار عاجل امعود شوفنا هاي الصور
بدون تحيز
http://up.foraten.net/uploads/6673971ff5.jpg
http://up.foraten.net/uploads/287669c4cd.jpg
http://up.foraten.net/uploads/0b14387a19.jpgurl=http://up.foraten.net]http://up.foraten.net/uploads/ecca53ff09.jpg[/url]
http://up.foraten.net/uploads/f483e9c5e8.jpg
http://up.foraten.net/uploads/76c36928e0.jpg

السلام عليكم

مهما قلت وكتبت قليل بحقك ياحبيبي ولكن اقول لك الله يستر عليك ياابو الغيث ياابو الغيره
على هذه المشاعر الصادقة والمتألمة بنفس الوقت على هذه المأساة التي يعيشها العراق كل يوم

ولا يسعني الا ان اقول على عاجل واعوانه

حسبي الله ونعم الوكيل عليكم وعلى الي جابكم علينه

تحياتي الك

شكرا لك اخي ابو الغيث
يبدوا ان هذا الــــ " عاجل " واحد من الجماعة
يقتلون القتيل ويمشون بجنازته ..
الله يعينك يا عراق

الله يكـــون بعـــونك ياعــــــــراق وياشعب العـــــــــراق على هذا الإبتــــــــــلاء

الف تحيه وتقدير على الوطنيه وحب الوطن اخي ابو الغيث الفاضل
والله اخويه لو نسال انفسنا من هو المفجر ومن المخطط هل هو عراقي او غير عراقي
ما هو ميدئهم والله يتوقف العقل تفسير ذالك
تحياتي وتقديري

اااااااااه واه

والله وجعت قلوبنا يا اخي العزيز

كفانا قولا ((حسبنا الله ونعم الوكيل))

الف شكر مع التحيه

السلام عليكم ورحمة الله وبركاته
والله ياعزيزي كلامك عين الصواب
ولاكن ماالحيلة وما الحل
والله كلما ابحث عن مبرر
لهولاء الساسة لم اجد مبرر واحد
يسمح لهم هذا التمادي والاستهتار المفرط
اصبحت لدينا عقدة نفسية من مشاهدة التلفاز
عن اي اخبار نسمع وعن اي مزابح نشاهد
وعن اي مهزلة نعقب؟؟ الكلام حيرة وندم واسف
على تلك الاصوات التي حصلو عليها هولاء من اجل
التقاتل فيما بينهم وترك الساحة خالية لمن هب ودب
وترك هذا الشعب ينحر بمفخخات القتل والدمار
لو قدر لهولاء الجهابذة الافذاذ ؟؟؟؟؟؟
ان قتل ابنه او اخته او احد ذويه
كيف سيكون رده وموقفه.
لماذا هذا التخاذل
ولماذا هذا التشرذم والتناحر
والله مللنا كل شئ اسمه سياسي
ووكرهنا مفردة اسمها السياسة
لكون اسمائهم اقترنت بالمأسي والنكبات
وبتنا لم نجني منهم سوى القتل والدمار
والا ماذنب هولاء الذين يتساقطون؟؟
وما الجريمة الذي اقترفوها؟؟
لما تنكرو لكل الوعود
وجعلوا تصريحات ماقبل الانتخابات تحت احذيتهم (اجلكم الله)
انهم لاعهد لهم
وانهم عديمي الرحمة والكرامة والوطنية
وبعيدين كل البعد عن كل شئ يمت للعراق
والحفاظ على شعبه ومقدراته ومستقبله.
وانا اكتب هذه الكلمات واعرف انها قاسية بحقهم
ولاكن هذا تقيمهم
وهذا مايمكن ان نصفهم
ونعريهم من اقنعتهم الزائفة
التي انخدعنا بها
وانطلت علينا تلك الشعارات البراقة
التي سرعان انكشفت للقاصي والداني
الرحمة والخلود لشهداء العراق
والشفاء العاجل للجرحى
والخزي والعار لشذاذ الافاق
ومرتدي اقنعة الوطنية والشعارات البراقة
وان التاريخ لم يرحمهم
وسوف تطاردهم لعائن الله
وملائكته وانبيائه ورسله
وان غدا لناظره لقريب
والله ارحم الراحمين

احيي روح التفاني من اجل الوطن
وصبرا ياعراق ستلتئم الجراح قريبا