انكاسر حزن بهموم ::ونشرب حنضل بكل يوم
وي طرت الفجر شفناه ::: شمس تحرك حرك محمله سموم
وي اول درس دك الجرس بيه ::: تهدلناعمنا بحاجة اهدوم
بس مره ولا جنها حقيقه ::: ضحك بيها الحزن ضحكات ملجوم
جن شافت اعيوني اجمل اثنين ::: شفت روحي ويروحج ساعة النوم
شفت نفسي مثل لبلاب فرحان ::: يركض بالمشي والفوكه ايحوم
شفت رسمج اله وبيده انجيل ::: وجن الكون لجلج بس صلا وصوم
وجن احلى عباده انشوف رسمج ::: ايتفنن بيه ربه اشخله ارسوم
ماشايف حلك بس تحجي ايموع ::: ولا خشم ايتلاله جنه خيشوم
ولاشايف وجه متروس بوسات ::: سمه ربك خلكها امطرزه انجوم
شفت احلى وي احلى واحلى كلشي::: شفت رسمج اهلال ايبوس الغيوم
شفت انهار جنة اتلظ بالشفاه::: تره الماباسها صدكوني محروم
عسل بشفاي يا رشفة شفاته
اليبوسك ما يهمه شظل شفاتة
المريض شبيه يدور عن شفاتة
خمس بوسات ما ظل مرض بيه
زهير العقابي
