قصيدة من تاليفي ارجو ان تنال رضاكم للوطن
عذرا باوطن يابو الملمات
اريد ارجع تسامحني اعلة الذنوب
عفتك والجروح اغماج وياك
وانا مثلك ترة من الروح مسلوب
صرت هايم وادور بين الاوطان
ومثلك ما انوجد والله محبوب
عراق انت وتسري بالشرايين
واحسن بيك مثل دكات الكلوب
احبك والكلب متلهف اعليك
ومن حبك ابد مانكدر انتوب
انت الرافع المرفوع بالله
والمرفوع ابد ميصير منصوب
اسف ياوطن دكينة الابواب
وابخلافك ترة منفتحت البوب
تضل انت علم اورافع الراس
وتضل انت اسد والاسد مهيوب
مع تحياتي ابو سجاد العتابي امريكا
رد: قصيدة من تاليفي ارجو ان تنال رضاكم للوطن
رد: قصيدة من تاليفي ارجو ان تنال رضاكم للوطن
الاخ العتابي
احيي فيك روحك الوطنيه وعشقك للعراق
الله يردكم ان شاء الله سالمين
تحياتي لك
رد: قصيدة من تاليفي ارجو ان تنال رضاكم للوطن
شكر موفور بالمحبة والوفاء ارجو من الله ان يجمعني واياكم
تحياتي للجميع ابوسجاد العتابي
امريكا
