مشتاق الك مشتاق موت اشتياقي

شاعرنه من ايموت كلهة تذكره
وعايش تشوفه الناس لكن تنكره
صح انته ما معروف بس والله شاعر
وبگد نفوس الصين عندك مشاعر !!

سلاني سل فرگاك ذوبني شمعه
وضلوعي ثق تنشاف من غير اشعه !!

موخوه لا غلطان لا مو صداقه
استاذ وي تلميذ طبع العلاقه !

خابرتك انه اهواي ما خابرتني
بس لا صدگ زعلان ما جاوبتني ؟
تشتاگ الى ساعات بس اني والله
اشتاگ الك كل يوم گد رحمة الله !
كل ما احن واشتاگ تعرف قراري
بس صورتك يا زين تطفيلي ناري ؟

نعسان بس مو نوم وبشوفك اصحه
تگدر تكمل البيت تگدر توضحه؟!
اتمنه هذا الكون بس انه وانته
تدري شسوي بيك خليهه سكته!
تدري شكثر مشتاگ ماصدگتني
گد ما عدد دگات گلبك تحبني
غيرك تظن محبوب سكنته روحي
لو دورت بالروح تلگه انته روحي

مشتاق الك مشتاق موت اشتياقي
وشما كتب ضرغام تبقه انته راقي

ماچذب الي گال عندي ابدالك
صح انه احب اثنين انته وخيالك

الشاعر چذب ما مات عايش بالگلوب
مثل الضوه ياناس عاشگته الدروب

تكتب يريت الناس واتمنه تقره
واحلم يمرنه العيد ماعدنه فقره

وجهة نظر للعين وتگول موعيد
وتعيد بملگاك وبشوفك اتريد !

صدگني انته استاذ وتعلم الناس
معنى الوفه والطيب يلكلك احساس

ثق الجمال البيك لو بية يندار
حته الگمر باليل ما يطلع ايغار

موكل طفل بالعيد ينطوه هدية
هيج انتة يعني تصير بالنسبة الية

مابي طعم والله صبحك الية
كون الصباح الخير تلزگ علية

حبك سكن بالروح ظل يسري بية
والهذا من اشتاگ اشتاگ الية

بس حل لگة وياك ما عندة غيرة
گلبي يظل محروم قرر مصيرة


صدگ فلا ناسيك بس حيرة شختار
اهديلك اني الروح لو رايد اشعار


صح الوكت بذات بس ما نسيتك
انخاني مرة وشوف تلگاني اجيتك


نشفتة ريگي اعليك وانتة اسمك الريگ
شنهو الذي خلاك والشخصي ماطيگ؟


اضحك چذب للناس وبگلبي حسرة
والبية بس افلان يگدر يفسرة




منقول للأمانة

اخي ابو الطيبات
شكرا لجميل انتقائك
تحياتي

شكرا لهذهي الدارميات الحلوة

http://smiles.al-wed.com/smiles/60/4_1152194319.gif


تحياتي رنووووووووووو

جميل جدااااااااااااااا عيوني

تسلم اخي ابو الطيبات على هذة الكمات الرائعة

حقا كلمات في غاية الروعة

تقبل يمروري البسيط

تحياتي لسموك

تسلمون عيوني على المرور الرائع

منورين الموضوع احبابي

اتمنى لكم التوفيق

تحياتي

حلو والله ابو الطيبات تقبل تحياتي

تسلم على المرور الرائع

منور الموضوع اخي الغالي

اتمنى لك التوفيق

تحياتي