يا لايم لا تلوم النفس خلها
وعساها تموت عكب فراك خلها
لازم ايدي الطبيب وكلت خلها
الالم داخل مهجتي وشلون بيه
زرعت الهيل بارض الشام ورد
وسكيته من دموع العين ورد
حسافة على الحبيب الي راح وما رد
لابد يعود ونكعد احنا سوية
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
روى الزيتون من دمعي والراك
ولغيرك ما نحل جسمي ولا راك
اخاف اتطول غيبتنا ولا اراك
الوصل شيفيد من تدنى المنية
انه الوحشه وصط گلبي من الفراك
بگد ما عايشت غربه بالفراك
صرت أكتب شعر وبجي من الفراك
وحبر القلم دم يبجي عليــــه
روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية
عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه
نار فراكم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟
هجرتك للأبد وهجرت دارك
ما ادري حجي الناس فرك ودارك
شكد واجهت حبنا مشاكل وماعرفنة ندارك
بعد شلي بهل هم والاذيه
عن حبكم اريد اهجر بعد ...مارد
چي حبكم صفى لچلاي ...مـــــارد
اگله هاك عيوني اخذة يگول ...مارد
اگصصهن لو بعد تنطيك اديةفراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
لحـد المـــوت منــك واصــل آني
و عفتني والف شامت واصلاني
قطع صرت بجفاك و وصل آنـي
..دلمهم خـــــــــــاف تتـــندم عليه
رماد الحب على فراكه ولع نار
وكلبه شما سكن شوكه ولع نار
شلي بأبليس أسبنَ وألعناه
هوان الحب شل الشيطان بيه
منقـــــــــــــــــول
