حياة البنية !!!!!!!!!!!!!!!!!!!!!!!

حياة البنية..........لحكو شباب

اذا جانت البنية طالبة رحتكون يومياتها كالاتي ؟

1.تكعد الصبح الساعة خمسة .
2.اطب تسبح تخلص الساعة خمسة ونص .
3.اشسور شعرها الحد الساعة 6 (شعرها سيم مال مواعيين)
4.تحط مكياج الحد الساعة سبعة (لانه جكمة)
5.تبدل الحد ساعة 7 او نص (دتلبس بدلة العرس)
6.تنظر الخط الساعة 8 الة ربع
7.ابو الخط سايق كيا وهية تضوج منة اول متصعد تكول صباح الخير شلة على كيفهة حتى ميسمعهة سايق الكيا ويكللهة صباح النور لانه ميعجبها تحجي وياه .
8.بعد فترة القشب والكص طول الطريق للكلية تنزل من الكيا يم الكلية .
9.اول تهمبلة تبدي اوي الكشن عقج قميصي بابا جابلياه من لندن (تقصد اللنكة)
10.بعدين تكول هذا السايق ما ارتاحلة جان يباوع علية بالمرايا (وهية وجهة يكطع الخلفة)
11.اطب للنادي مال الكلية متلكة مكان تكعد بيه تروح يم الميز مال الشلة وتكلهم هلو شلة (دتتلوك بلكت احد ينطيهة كرسي)
12.واحد من اللوكية يكوم ويكلهة تعالي كعدي بمكاني وهية بداخلهة تضحك عليه وتكول اشكد لوكي وبالوجه اتكلة لاعادي اخذ راحتك .
13.من تكعد تكلة للوكي الي انطاها الكرسي عفية ممكن تجيبلي كوب نسكافيه اني متعودة بالبيت من الصبح اشرب نسكافيه (ام حلك متعودة تشرب نسكافيه وهية تشرب الجاي بكلاص ستيل )
14.اطب اول محاضرتين من الدوام والثالثة تكعد تحدق بالنادي تنتظر واحد يجي يعزمهة على لفة ومن يجي اللوكي يعزمهة تضل تفيك عليه اني ما اكل فلافل (وهية الصمون الفرنسي اول منزل لفوه بالخبزة واكلوه )
15.يجيبلهة لفة همبركر وهية تضل تفيك عليه اني ما احب المايونيز (ام كفشة وهية دهن النيفيا من نزل تريكو بيه عبالهم كيمر )
16.تكعد يمهة صاحبتهة وتضل تهمبل وتفيك عليهة وتكلهة اني البارحة تقدملي واحد دكتور وبابي ومقبل وكال اني بنتي ما انطيهة الة تكمل دراسة (وهية ابوهة بس يريد يخلص من عدهة وينطيهة حتى لو الكناس )
17.تروح للحمام مال الكلية وتصل بيه الحد ميجيهة الخط مالتهم لانه متريد احد يشوفهة من يموع المكياج مالتهة
18.ترجع للبيت وتكول الامهة ماما اني ما اريد غدة لانه اليوم الشلة عزموني (حتى على امهة تهمبل )
19.تبدل وتنظمر للستة العصر او ورة متكعد تحضر شرحتلبس باجر .
20.تروح يم بت جيرانهم وتضل تهمبل عليهة اليوم صارحوني 10 وخطبوني 7
21.ترجع تكلب المحاضرات وكلشي متفتهم طبعا .
22.تنطمر وتنام لليوم الثاني وعلى هل الرنة طحينج ناعم .

بالعطلة البنية شسوي ؟

1.تكعد الصبح الساعة 1 الظهر (هذا الصبح مالتهة )
2.تروح تغسل وجهة الي جنة جينكوة ودايس عليهة شفل .
3.امهة ترزلهة وتكلهة يلة جايفة تعالي نظفي (هذا الريوك مالتهة)
4.تخلص تنظيف بالستة العصر (هية تنظف من ورة خشمهة طبعا)
5.تطلع تغسل الطرمة من الستة للعشرة بالليل (بلكت واحد يشوفهة وينعجب بيهة )
6.تفتح الدردشة وتضل تهمبل تبيع مثاليات والجذب مالة تالي
7.تاخذلهة ايميل ايميلين وتضل تهمبل عليهم لبو موزة




تحياتي

هههههههههههههههه
شنو هاي نكتك بس عالبنات بس كللش حلوات
تسلم اخي

ههههههههههههه
تسلم حبيبي على هذه النكت
والله صحيح هاي حياة البنات
تقبل تحياتي

تسلمووووون ؟ وانشاءالله بعد احلى ؟