هو مو كلمن ينجرح جرحه يطيب
لا ولا كل بيت ضعفه من الاساس
لا ولا كلمن هجر كاعه غريب
كلشي بالدنيا الة احدود وقياس
اكو ناس كلوبهة من الهم تشيب
واكو ما مهموم ومشيب الراس
الناس بيهة اجروح تحتاج لطبيب
وآنة بية اجروح تحتاجلها ناس
كبل حسرة يخلف بكلبي اليغيب
بإنتظاره ابقى شمع واشواكي ياس
لاكن من شفت الغدر من القريب
بدلت دمعي ضحك والسلوى كاس
اني عاشك ضيم واطرب للنحيب
http://www.foraten.net/?foraten.net/...2716077602.jpg
هم شفت شجرة بحياتك تهوى فاس
وانة مكور حزن بس مليان طيب
حتى بلما حاس بية بضيمه حاس
كالمسيح اصبحت وهمومي صليب
والهموم شلون من عدها الخلاص
عاشرت بلبل ربة ولكيته ذيب
وهسة اشك حتى بعوادين الاقفاص
مو عجيبة انخنت بس هو العجيب
تبقى للخاين وفي وكلك اخلاص
ليش يا كلبي لظلمهم نستجيب
ويا بريء ال يقبل بحكم القصاص
لا اتصورلي العدو بصورة حبيب
ولا اتكلي الورد اقسى من الرصاص
ولا اتكلي النار ما بيهة لهيب
آني شاعر لا اتصير براسي قاص
للشاعر فاضل عبد السادة
رد: هو مو كلمن ينجرح جرحه يطيب
عاش الشاعر وعاش الي نقلنة ابداع شاعر عراقي مجروح
احنة العراقيين نتفنن بنقل الامنا
مجروحين وجرح البينة يا دنيا والله ايكفينة
لو ندري الحب اهموم ولو ندري الناس اتلوم
يا دنية ما حبينة
تقبل مروري
رد: هو مو كلمن ينجرح جرحه يطيب
والله اجمل كلمات قرأتها في حياتي
قصيدة في قمة الروعه والابداع
سلمت اناملك اخي العزيز على هذا الانتقاء الرائع
وتحياتي للشاعر الكبير فاضل عبد الساده
تحياتي وتقديري لك
رد: هو مو كلمن ينجرح جرحه يطيب
ياقلب لا تشكي همومك على الناس
ماكل شخص(ن) يعذرك في مصابــك
لاتسكب الدمعه على خد حسـاس
ولا تحرق اوراق الزهر في عتابـــك
ولا تضيق الصدر المولع بالانفـــاس
ولاتقطع عروق(ن) بكت عند بابـك
ياقلب ولله مابقى بعيني انعـــاس
يومك شكيت الحب محد(ن) درابك
النار ما تحرق سوى رجل من داس
وللي كواه الحب يفهـــم خطابـــك
قبلك شرب مجنون ليلى من الكاس
واليوم نفس الكاس تسقى شرابك
ياقلب اعرف معدنك معدن الماس
توفي لحبيب الروح لوهو رمابــــك
ياقلب خلك بالشدايد قـوى بـاس
لا تلتفت للجـــرح لوهـو سطابـك
ياقلب لا تسقي عروقك من الياس
وخل الامل والصدق دايــم زهابـك
مادام طاحت فاسك اليوم بالـراس
اعذر جميع الناس واخفي عذابـك
نوره
رد: هو مو كلمن ينجرح جرحه يطيب
كلمات روعه عاشت ايدك وعاشت ايد
الي كتبها
شكرااا لك
رد: هو مو كلمن ينجرح جرحه يطيب
اقتباس:
المشاركة الأصلية كتبت بواسطة رنا العراقية
عاش الشاعر وعاش الي نقلنة ابداع شاعر عراقي مجروح
احنة العراقيين نتفنن بنقل الامنا
مجروحين وجرح البينة يا دنيا والله ايكفينة
لو ندري الحب اهموم ولو ندري الناس اتلوم
يا دنية ما حبينة
تقبل مروري
شكرا للرد الجميل رنا
رد: هو مو كلمن ينجرح جرحه يطيب
اقتباس:
المشاركة الأصلية كتبت بواسطة الزير سالم
والله اجمل كلمات قرأتها في حياتي
قصيدة في قمة الروعه والابداع
سلمت اناملك اخي العزيز على هذا الانتقاء الرائع
وتحياتي للشاعر الكبير فاضل عبد الساده
تحياتي وتقديري لك
شكرا لك نورتني بردك الجميل
