قصيدة لها قصة مضحكة

جايبلكم اليوم قصيدة للشاعر سعد آل شفلوت القحطاني

طبعا هذي القصيدة لها سالفة ان الشاعر كان في طريق الملك عبدالله وقت القصيدة كان ( ولي العهد ) علشان كذا قال في القصيدة : شارع ولي العهد

الموهيم انه كان يسولف مع خويه عن سجن ابو غريب على ايامه وهم يسولفون وقف جنبهم بي ام جيب وفيه واحدة ضيعتهم وتركوا ابوغريب وراحوا يتناقشون في البي ام

القصيدة موجود علـ اليوتيوب .... اتركم مع كمات القصيدة :

المشهد اللي صار بين احضان سجن ابوغريب
مصيبة ياكبرها ياعضمها ياهولهـــــــــــــــــــأ
تشيب منه رووس ناس مالها نية تشيـــــــــــب
شاب الطفل في ميزبه والبنت في هند ولهــــــا
ابتل ما ومن الضما ماضن يرويها يشيــــــــب
والأنعام قامت من غبينتها تجر ذيولهـــــــــــــا
وطيرواقف بالفضاء والارض والكون الرحيب
يبكي على السدرة وهي تبكي على غرمولهــــا
وجز الثواني والدقايق بينها امر عصــــــــــيب
وايام وشهور السنة كانونها وايلولهــــــــــــــــا
جف المطر والشمس غابت من قبل حل المغيب
والليله الضلماء على القمراء تمد سدولهـــــــــا
كم من بيوت من فراق اصحابها صارت عشيب
وكم من افاعي موتت في سمها بدحولهــــــــــا
الغدر يرعد في العراق وله صدأ في تل ابيـب
وابلة عباريد ترى دم والدمي سيولهــــــــــــــا
وانا معك ياللي تقول ان ماعلى الدنيا غريـــب
وخلك معي لاقلت لك ضربت بغير بحولهـــــا
ان كان فالدنيا عجيب فشي واحد هو العجيــب
ناس تهل دموعها وناس تدق طبولهــــــــــــــا
ناس على هرج السعة فمها وسيع تقول بيـــب
وناس عن الموضوع كله سد فمها فولهــــــــا
وناس سوالفها مابين حلوقها مثل الدبيــــــــب
مثل الهنود اللي على السيكل تشيل سطولهـــا
هم يحسبون ان القضية حلها بيد الصليــــــب
وهم مادروا ان صليبها يآمر على انتربولـها؟
وانا بدون شعور قمت اصيح بالصوت الصليب
صيحة ورا صيحة واحسب ان العرب صاحولها
وآثارني سواة من يزهم ولا حوله مجيـــــــــــب
سواة من يزرع بذور ماجنى محصولهـــــــــــا
واما انت ياللي قلت خلك بين ظهران وطريــب
في خاطري لك كلمتين مستعد اقولهــــــــــــــــا
ان كانها هلت دموعك من غناء بدر الغريـــب
انا دموعي مايغرك وش سبب هملولهــــــا
لو ان عندك ذره من الدين يالوجه الكئيـب
ماقلت كلمة وانت مانت بعارف مدلولهـــا
ولا اما انا يشهد علي اللي على خلقه رقيـــب
نلت العلا يوم انت واشكالك عجزت تنولها
ولابد ناخذ حقنا بالطيب ولا بالغصيـــــب
لو ضحكت الدنيا وضحكتهم وهم ضحكولها
فان كنت عاجز تاخذ حقوقك فوكلك طليب
وخلك من المغرب ليباريس لياسطـــنبولها
هذي قضية كنت اسولفها على سقم الحريب
اللي علوم المرجلة تسموله ويسمولهـــــــا
حسن سعيد معرب الجدين والخال العريب
ان عدوا زحول الرجال يعد ضمن زحولها
من لابتة يوم الملاقى جرحها جرح عطيب
مندية حتى العدا بنفوسهم شهدولــــــــــــها
ان كانها بالشر شر وان كانها بالطيب طيب
ويقطع رجال في الملاقى ماتشاف فعولها
واثناء دراستنا القضية ياعساها للذهيـــب
نبي نفك الشفرة ونعرف رموز حلولهـــا
طحنا على عنوانها عنوانها افهم يالبيب
غير العرب مافهموا الطبخة ولا فطنولها
وعلم طمر في علم وآخر علمنا قصة كليب
ساعة رواها بو شنب فجاة طلبت عدولها
قال ايشبك قلت الدواء اللي يبري الجرح الصويب
النفس مالت كان تدري وش سبب ميولها
موضوع في غاية الاهمية ويحتاج تعقيب
مهمتك منقوضها وانا علي مفتولهـــــــــا
ماتدري ان الذيب يابن حسين في وسط القريب
وما تدري ان القوم ركبت في ضهور خيولها
عاين على يمناك يامال الشحم والذيب ذيب
لا بارك الله في جمال ماتشيل حمولهـــــــا
بنت العليا من يمينك في ضهر بي ام جيب
مرت مع شارع ولي العهد وانتبهولها
اطرد ورى بي امها وما جابت الدنيا تجيب
حنا لها حنا لها وانتوا لها وانتوا لهـــــــــا
وانا ادري ان طرد المقفي شرهة فينا وعيب
لكن خذت عقلي مع ناس خذت بعقولهــــــا
وانا بقوس الوجه والشيطان يحظر ويغيب
والله لو لزم الامر على الركب لاحبولها
والحظ عشرين الف مرة يخطئ ومرة يصيب
يالله عساه يصيب ونجود طرف مجدولها
ضنيت ضن ياعسى ضنن ضننته مايخيب
والاعمال بالنية وعلى الله رفضها وقبولها
حرب البسوس اللي غدت بكليب فوادي جريب
ما هاوها غير البسوس بصولها وبجولها
قال احتزم والخيل والميدان واشرب ياشريب
واهل الفعايل لابدا لازم بدا مفعولها
قمت احدر مثل الجمل وهوجلس يقنب قنيب
يجمع ويطرح وانا اضرب عرضها في طولها
المقصد انها وقفت بوزان مستشفى الحبيب
ساع انحرت باب الطوارئ كلهم فزوا لها
خذت لها تقريب ساعة من طبيب لطبيب
كله لعين الجرعة اللي ركزوا محلولها
وقمت وقعدت لها على ركبة وفي مثناة سيب
واثر ان باقي الاقسام مثلي قاموا لها وقعدو لها
قلبي من اللهفة ومن زود الوله جاله نحيب
سواة قوم تنتظر وقت ورى مرسولها
والمشكلة يوم اخرجت ثم قالت بصوت شحيب
للسائق امش بسرعة وتشر برأس انمولها
عيونها كنها تقول لخدها go to slip
يالله عسى يفدنها رمش العيون وحولها
ثار البدو في خدها متواقده تلهب لهيب
وصوت الحطب والنار تلهب مثل صوت حجولها
والخشم سيف له شباة تكسر العظم الصليب
وسنونها تبرق ومرجان البحور ولولها
والجسم بارز والخصر مثل الغصن ري ورطيب
ولها ردوف تشتكي من لارجها وسمولها
تمشي مثل مشي الغزال المستهيب المستليب
ودقة جواد ابن العلي تقول قرح نعولها
جوالها أي فون وانا باقي بجوال الرهيب
يدق عند دخولها ويدق عند خروجها
البرتقالة كانها متصدرة فديو كليب
والله ما تاكل عيش مع هاذي ولا هي حولها
لو اسعد الله سعد من مثلي تمنى العندليب
انها بكرت العايلة اظمها واعولها
انا اشهد انها شق وجه وشلع ثوب وطر جيب
واموت ماقد راح من قدام عيني زولها
مشت وانا باريتها واقول هل من مستجيب
ثم وقفت وارخت مناكبها على جعزولها
ردت علي تقول حاول ياغريب تكون اديب
اللي تكلمها ماتدري بن فلان اشولها
قلت اللكاعة حافضها كلها عن ضهر غيب
وعز البلد برجالها ماهوب في بترولها
انا صبي قحطان سدي في اللقاء سد قطيب
من لابة لو ما الصلاة لربنا صلوا لها
حسبي عليك الله سبحانه وهو نعم الحسيب
زادت بك النعمة عسى ربي عليك يزولها
ان قلت مانت بلي صحيب اقول مانت بلي صحيب
الرجل من جنبيته والبنت من مريولها
سبت وسبيت وتبادلنا الشتايم والسبيب
ولولا مخافة خالقي تاليتها برجولها
اوجعتها بالحكي لين ادموعها نهالت سكيب
ويبدولي انها خربت النص وهي يبدو لها
وجاني رفيق الدرب ينشد وقلت لقيت حديب
اصولها يابو شنب ولاماهوب اصولها
وانا ادري ان مافيك شك مرة ومافيك ريب
تقولها وتطولها واقولها واطولها
وترى الثمن ماهوب بشرط لكل مشوار تعيب
وكم من رجال دبلت وخصامهم يرضولها
انا عجزت اجود عنان الكحيلة من قريب
وغيري تناوشها وهي تبعد وهو يدنو لها
لا والله الا مالنا ذاليوم في الطيب نصيب
مادام بيبان النصيب مقفلة بقفولها
وبدري على بوها تنسينا مصيبة بوغريب
مصيبة ياكبرها ياعضمها ياهولها

اتمنى ان تنال اعجابكم