قصيدة للأستاذ علاء ال ياسين

أذا مو بيك أسولف

اذامو بيك اسولف انه ما موجود
لأن بس بيك اسولف كل وكتانه
تدري انته بمكانك بيه وين يصير
بس شويه اوخر تطلع هنانه
وموبس اني احبك ...انه وانه هواي
وبعد من عندي عشره أنحبك ويانه
ادري .. انته بشر بس هالخضارمنين؟؟
ابو البستان شافك حرك بستانه
والورد من شاف طولك بس عليه مريت
ما يقبل بعد يكعد بسندانه
ادري شلون رأيك يعني كلنه انموت
كول انموت كلنه منيين دفانه
الحانه وداعتك سكرت ناس هواي
بس انته الوحيد السكر الحانه
بتهوفن امس لو سامعك ماصار
يم صوتك امس جاكَعدت الحانه
يلوموني من اشوفك اسكت من الخوف
عمي الشاف طولك ضيع السانه
ربك بالخلق سواك بس سواك
وانه وذوله مدري شلون سوانه
لاتنطينه عين ايجوز نلهس بيك
بس انطينه جارك نشتم أردانه
بس اوكف دقايق رحمه للعباس
بس اتمر عليك اتطيب مرضانه
احنه بلايه نخوه انموت كلنه عليك
جا شنسوي اذا فد يوم تنخانه
اذا بس انته بيه الدنيه جنه اتصير
واذا مابيه انته الدنيه خربانه
انه الدوم احبك مستحيل انساك
واذا انساك صدك هذا موانه.

تقبلو تحياتي محمد الكناني ابن المشخاب

الله الله الله
عاشت ايدك على روعة هذه القصيدة الغزلية والمفردة الرائعة والاحساس
كل الشكر لجميل انتقاءك وصح لسان الشاعر الاستاذ علاء آل ياسين

ذائقة جدا جميلة
ماننحرم هذا العطاء واتواصل عزيزي
ودمت بكل الخير

والتمس منك العذر لأني قمت بتكبير الخط قليلا وتعديل بعض الكلمات لتضفي جمالا للمتلقي

شكرا ام فيصل لهذا الاهتمام

الله عليك قصيده رائعه خفيفة الأيقاع تدخل الى القلوب بدون استئذان

ابيات غاية الروعه
اخي الغالي شكرا لك
وتحياتي الى الشاعر
علاء الغالي لا حرمنا الله
جديدك تقبل مروري

شكرا لكل من رد