تعبت من السهر والسهر هم تعبان

تعبت من السهر والسهر هم تعبان


تعبت من السهر والسهر هم تعبان
گلي شوكت يخلص ياترف ليلك



شعلت النار بيــه وجيت أطفي النار
رجعت أنته إشعلتها تريد أضوّيلك



عشگتك لاتذلني . إحسبها زين أرجوك
ماريد آني أظل لوحدي أضحيلك



ماريد أبني لأجلك كعبة جوّه الروح
أخاف أبنيها تالي تهد عليّ فيلك



ألوليلك چنت وبگلبي أنومك دوم
ومن تبچي إصِبْعي يصير منديلك



عضيت أنته إصبعي أمسح دمعتك بيش
وگليبي انتة كـــــســرته إبيش ألوليلك



أضحكك وأبچي لأجلك وأعطش وأرويك
وأهدم حيلي بيدي لو رگد حيلك



گتلك هاك جدمي تعينك بممشاك
لوتنطيني جدمك وآني المشيلك



وأخذت جدامي أنت توصلك للريل
لكن شفتك تذبهن تحت ريلك



أحترگ گلب القطار وشفته ذبّ دخـّـان
من داس إعلى رجلي وصاح : ياويلك



سحگها گبالك وشفتك علي صديت
موخوفاً عليّ رايدني أشكيلك



لكن ماشكيت متاني بس تعود
بس أرجع . تعال . برمشي أسريلك



وأذا دمعي حرگ رمشي وبعد ميفيد
فدوّه ولايهمك عود أحبيـــــلك

http://www.mezan.net/forum/g9/23.gif

عاشقة المستحيل .......دمت بود ...... ترن .......ترن ..........تررن ....... الو مين ...... انا ادم .....
تفضل ...وهاأنا ادخل ..... ثم اجيب .... تعبت من السؤال عليكي .الحمد لله وصلت .... رد .........
تعبت من السهر ..... رائع ما خط قلمك استمتعت بكل ما كتبت ....ادم 22