مختارت لابوذيات جميلة لشاعر جميل

حبيبي دموعي لغيرك مصابين
وسهاماتك لعد غيري مصابين
بشهر واحد لفن منك مصابين
جفاك وفرحة الشمات بية
*******************
ذلولي الشوك بارض الشوك نخلة
ولاساعة من الحسرات نخلة
صرت مثل الالة بالشام نخلة
الثمر للغير واني النار الية
*********************
شبدة مني وشخصك علي ماطل
وحبل مواصلك وياي ماطل
ودليلي من الصبر بجفاك ماطل
مثل روح التماطل بالمنية
**********************
عكب النغم كلي وشبكالي
حبيبي راح مني وشبكالي
يصاحب صيد كلبي وشبكالي
ترى ترفرف جناحة لعم علية
********************
الشمس كلي يصاحب شعلة منهة
وترى وجنة حبيبي شعلة منهة
ثاري العين تكره شعلة منهة
مثل ماتكره الروح المنية
*******************
خزرني وصد حبيبي وكلت والناس
متكرب يل الي بدنياي وناس
كلتلة ارد ابوسك كال وناس
اخو نكلهم يريد يبوس اخية


شاعر الحلة الظريف الملا محمد علي القصاب
ما ادري شكضة من الليل واشتم
ومن خدك لحوش الورد واشتم
مرخصك دوم سبني بزعل واشتم
بشخصي وخل تلوم الخلك بية

هذا مني
باي

الله الله احلى مجموعة ابوذيات عاشت ايدك يالامير تحياتي وتقبل مروري

الله عليك
اخي الغالي
ابوذيات روووووووعة
تقبل مرروررري

يسلم ذوقك اخي الغالي

الامير سامر

مبدع بأنتقاءك لهذه الابوذيات

تقبل مروري

اختك طيبـــة

باقه رائعه من الابوذيات
عات ايدك اخي
ويسلم لنا هذا الذوق
اختيار جميل
تحياتي لك