كبيره من صغر سني .. عزيزه من ظهر رجـال

الى حضرة جناب اللـي تعـدى حـده ولا زال

نصيحه منـي اسمعهـا وخليهـا علـى بالـك

تمهل يابـن آدم تـرى كـل الرجـال افعـال

وانا ماشفت لـي شـي يوافـق جملـة اقوالـك

تمهل قبـل ماتنطـق وترمـي حرفـك القتّـال

تمهل قبـل ماتبـدي بلعبـة (مـن هوالهالـك)

اذا كانت شياطينك تجيلـك كـل يـوم بحـال

تجّمل طعمهـا ذنوبك.كبيـر الذنـب يحلالـك

تسب وتقذف وتشتـم لجـل تسعدهـم العـذال

وتتمادى بأفعالك...... حقيـره حيـل افعالـك

تشوف ان البشر مثلك بـلا ذمه,رخاص,انـذال

تراهم مثـل ماتنظـر لطبعـك انـت وامثالـك

اجيك الصادق الوافي.... تجيني للفـرح تغتـال

تحاول تجرح دموعي لجل تسعـد بهـا لحالـك

تظن ان الحزن فيني يخيـب صـادق الآمـال

واجيك اضمد حروفي.... واشرب مـر فنجالـك

حشى والله ماخابت ولـو حملـي يهـد اجبـال

حتى ماتسكن جروحـي بعينـي ولـو تهيالـك

تحسب اني مثل غيري ابضعف وانوي الترحال

واترك مملكة شعري وابرضى واطـي آمالـك

تكلم مثـل مـاودك وقـول فـلان قـال وقـال

ابد ماهز بي شعره خسيـس القـول وجدالـك

كبيره من صغر سني عزيزه من ظهر رجـال

قنوعه بما عطى ربي ولا قـد جيتـك لجالـك

ولو طالـت ألاعيبـك تفضـل كمـل المـوال

لان الله لـو يمهـل ابـد مايهمـل اعمـالـك

مثل ماقد طعنت اسمي بعين الصاحب المحتـال

يجيلك يوم يطعن بك (بأختك)صاحـب اظلالـك

تشوف ان الدمع بلّل ..بوجنات البريئـة سـال

تجي تنده ياخوي افزع تشوفك بالخطـا هالـك

(بتذكرني)فلحظتهـا إلامنـي طرقـت الـبـال

تشوف ان الندم يذبـح يـزود حيـل غربالـك

تحاول تبـدي اعـذارك ولاكـن الخطا لاطـال

أبد ماتشفـع احلوفـك دمـوع الذنـب تغتالـك

مثل ماقالها حامـد ابخلـص وانهـي المـوال

ببيت تدرك حروفه لجـل يبقـى علـى بالـك

اذا قصدك (تهين) اسمي عشان تشمـت العـذال

ترى لا انته..ولاغيرك..ولاعشره من اشكالـه

منقـــــــــــــــــــــــــــــــــــــــــول

عاشت ايدج عزيزتي
قصيدة جدا جميلة بمعانيها
اعتزاز بالنفس وكلمات فخر وشموخ
كل الشكر لك على هذا افنتقاء المميز
ودمت بهذا الابداع والتألق
مع كل الود عزيزتي

الله عليك يا عاشقة المستحيل على هذا الاحساس الرائع وتسلمين على هذا الانتقاء الجميل, لك تحياتي وسلامي ايتها العزيزة .