ولك يا كَلبي لشوكت تنطر ......(حوار من اجل الحب )

العقل
ولك يا كَلبي لشوكت تنطر ضوة شمسة
وبكلبك المجروح غفيتة وياويلة لو احد يلمسة
تذوب بكلمة وتحييك منة لو اجت همسة
الكَلب
اضل عمري ادور نارة وبيها اتدفة
اسعد ايامي لو جمعتني وياه صدفة
جم جرح يجويني ومن اسمعة اخيط الشفة
جرحة يكبر ويضل ينزف وماضنة يشفة
بسك تحجي بالعقل ترة مجنون انة بيه وبوصفة
ماريد منك دوة ولاريد تكتبلي وصفة
مرت سنين العمر وغير القهر ماصفة
لو ردت اخذ وياك الجسد وبالجفن لفة
وخلي العاذل يلوم وبية يتشفة
لو ما تحس انت خسران تضيع العمر وسفة
ترة ضيعنة العمر من جنة بالمهد نغفة
لكيت بعيونة الامان وبكلبة حسيت الوفة
الدنيا هية كلمة شوكَ تخلي بالضلع رجفة
العقل
اني وياك مانتفق لان كل واحد فكر بنفسة
انت تايه باحلام واني ضايع بدنيا مابيها مرسة
اخذ العبرة ولا تأمن خوفي يجيلك يوم تتمنى تنسة



م\ن