روحي التريد الفرح واليوم لازمهه
وحزن الخرابة من الاعناك لازمهه
لو يوم غلطت غلط عالنار لازمـهه
لكن دمرهه الحزن كل يوم عـــدية
ونريد هالكد فرح للروح عيــــدية
الناس تحزن حزن بايام عاديـــــة
وحزني خفارة بصباح العيد لازمهه
***********
فاتح دليلي الحزن بامر الغثى فاتـــــحة
وكليبي مضيوم بابه إعلى الحزن فاتحة
العيد لمن يجي نقــــــرا لــــــه الفاتحة
وندعي بكلبنا لان حزنو علينا الخـــــام
وياعين يالما رأت هل ناشدٍ والخــــــام
لتكول شي ان شفت عدنا سواد الخــــام
يا لايمي وشوف كل عيد ابحزن فاتحة
**********
كافينه هم وحــــزن ياناس لابسنــــــــــه
ما ظن ركعنا لحدا فد يوم لابسنـــــــــــه
سيطر علينا الحزن يا عيد لابسنـــــــــــه
وخلانه طول العمر نمشـــــي معاهم نظل
واحنا اهلها وكت حــــــــوم الوطايس نظل
من دون كـــل هالخلك بس عالحزاين نظل
والعيد غافل سواد الهدم لابسنـــــــــــه
*************
يا وكت صاير عجب عالزين منتالــــــــــي
ويفين حظ اليكع بايديـــــــــك منتالـــــــــي
ما فاد بيك الحجي تاليــــــك منتا لــــــــــي
وتتعب كلبنا علش لمــــــن تمـــر مــــــــره
وما اظن عندنا حدى عاب الخلك مــــــــــره
ياعيد جنا كبل عالحلـــــــــــوه والمـــــــره
ياعيد ليش اتخرب ياعيد من تالــــــــــــــي
(((مما تصفحت)))
