((احچيلي))
احچيلي على كــــــــــــــــــــيفك كلشي بالتفصيل
مشتاگ آنه اسمــــــــــعك وأسمع اخبارك
أحچــــــــــيلي على كيفك خلي اشبع بيك
يابرحي الجنــــــــــــــوب شطيب اثمارك
يلمشــــــــــــتل رموشك وآنه ضايع بيك
وتهت آنه أبظلام أبين أشجــــــــــــــارك
يلشعرك ربابه وتبــــــــــچي كلهه أحزان
وذبت نغمة حبيبي أبين أوتـــــــــــــــارك
وتاخذني الدموع وجسمي يبـــــــرد حيل
ولحظـــــــــــنك أحنن وأشتـــــــهي نارك
ومن تحــــــــــــچي حبيبي أذكر السياب
وأذوب أبين كـــــــتبك وأعشگ اشعارك
ياروضـــــــــــــة ورد ياأحلى شدة ياس
هنيالة أليشم من طـــــــــــــيب أزهارك
أحچيلي على كـــــــــيفك والله الك مشتاگ
وأريد بحظـــــــــــــــرتك هليوم أتبارك
احچيلي على كــــــــــــــيفك كلشي بالتفصيل
مشتاگ آنه أسمعك وأسمع أخبـــــارك
أشو........ چنك حزين تبين ومهموم
زين آنه أعرفك وأقرا أفكــــــــــــارك
نظراتك تفضحك ........وانه أعرفك زين
لان حافظ أطباعك وأعرف أطــــوارك
أشرحلي ود گلي شبيك وشمابــــــــــــيك
وسر أني ودضمــــــني أبين اسرارك
أحچيـــــــلي حبــــيبـــــي ابلايه كل اعذار
مرفوظ الهــــــــجر مرفوضه اعذارك
اشكــــــــــيلي حبيبي وفضفض انت شبيك
وخل گـــــــــــلبي يهيد وتنطفي نارك
أجيتك معتني يعني آنه عنــدك ضيف
خطـــــــــــــــار وأجيتك معتني لدارك
وعيب أنت حبيبي تردني احس مكـــــــسور
((وما ضن شيمــــــــتك تكسر بخطارك))
مما راق لي
