عرض للطباعة
السلام عليكم ورحمة الله
احيانا الانسان يتعرض لموقف محرج ولكن مضحك في نفس الوقت اني مره من المرات ذهبت الى زواج صديقتي واخترت طاوله في وسط الصاله يعني مكانها جدا حساس وقريب من الكوشه يعني قريب من المعرس والعروس وكنت جالسه مع مجموعة بنات وفجاءة سقطت من على الكرسي على ورا ومن هول الصدمه لم استطع ان اقوم ظليت تقريبا عشر دقايق واني راقده على الارض والبنات ضحكوا ضحك ماكدرت ازعل منهم لان فعلا مضحك الوضع اتمنى تشاركوني في مواقفكم المضحكه والمحرجه
اهلا وسهلا بك معنا بنت البحرين
نورت المنتدى بوجودك
بدايه موفقه معنا
موقف مضحك ومحرج فى نفس الوقت
صعب انى اتذكره حاليا
احب ان اهنيك لاختيارك للموضوع
تمنياتى لك بالعطاء المستمر فى ظل ربوع الفرات
خالص تحياتى ومودتى
فكره جميله ورائعه
اني هوايه صارت عندي مواقف محرجه والبعض منها مضحكه
بس اليوم راح اسرد وحده من هــ المواقف المضحكه,
جنت اني بالصف بدرس الخياطه والمدرسه جانت عراقيه وبـ ايران
ولكن كتبنا ايرانيه وبعض معلمينا كانوا ايرانيين الاصل وجنا جايين جدد من العراق فلغتنا الايرانيه جانت طكع طيع مو شلون مجان :66 (8):
المهم جان بيدي بنطلون وكاعده اخيطه ولمن خلصت منه فرحت
فمن الفرحه صرخت كَلت بالايراني خانم من يا شروال دوزيدم :1:
يعني بالعربي ست اني بكَت بنطلون :66 (26):
المعلمه صفنت عليه ومتدري شتكول بس حسيتها افتهمت عليه بان لغتي ضعيفه
فراعت الموقف وابتسمت وراحت
طبعاً هو لازم اكَول دوختم يعني بالعربي خيطت بس اني خربطت بين هالكلمتين
فجانت اختي هم موجوده بالصف وجانت تتعضعض بشفايفه وتباوع عليه وتكَول بيواش خزيتينا :11:دوزيدم شنو ولج دوختم :66 (75):
واني هم جنت اعضعض بشفايفي واكَولها بيواش :11: اسكتي لاتفضحينا طلاب الصف كله طكع طيع مثلي
ومفتهمو شنو كَلت لاتفهميهم انتي به الطريقه مو راح يفتهمون ويضحكون عليه.
ولحد الان ابالي هذا الموقف وجميع المواقف المحرجه والمضحكه
تسلمين اختي على الموضوع
والله يعطيكِ العافيه
دمتي بخير
اول شي احب ارحب بيج غاليتي بنت البحرين نورتي في ربوع الفرات
وبدايه جدا رائعه وموفقه طبعا المواقف موجوده اهوايه منها المضحكه ومنها المحرجه
بس والله هسه انا ما مذكره ولا وحده منهم ان شاء الله لمن اذكر ارجع واكتبلج
فكره جدا جميله وتحياتي لكي ولكل اهل البحرين
هههههههههههههه
موضوع رائع جدا
ولكن الذي حدث لي غريب جدا
لقد تقدمت لفتاه لم اعرف اسمها وقد ارسل اهلي لخطبتها وبعد فتره حصلت الموافقه ولكن الذي حدث بان اهلي قد خطبو اخت الفتاه التي اريد وهي الان زوجتي
ههههههههههههه
اليوم راح اسرد موقف مضحك اخر
وهذا الموقف صار في زمن الحرب العراقيه الايرانيه لمن جنا بالعراق.
جانوا نسوان المحله يكَولون لامي لمن اتصير الغاره الايرانيه مو اتسدين بابج لا
افتحي الباب على طوله لان احنا انحس بالامان يمكم :77 (9):وانتوا ناس مومنيين وتخافون الله
المهم صارت فد يوم غاره جويه :66 (161): ففتحنا الباب على طوله علمود نسوان المنطقه واطفالها يدخلون عدنا
ومنشوف الا طيارات ايرانيه مشتبكه مع طيارات عراقيه وتقصف بعضها وجان طيارانهم قريب من الارض بحيث كان اصوات القصف رهيبه ومرعبه جداً
واني وعائلتي ختلنا بزاويه غرفة الخطار ونقرا بهل الايات ومنلحك
وطبعاً اهل المنطقه كاموا يتوافدون واحد وراء واحد ابيتنا وكلهم جمعوا نفسهم بنفس غرفة الخطار
وجان بوقته الموقف مخيف ومرعب
هسه اهنا وصلنا الى بيت القصيد
جان ابويه مشتري خروف العيد علمود يذبحه على يوم عيد الاضحى
فجنا رابطيه بحبل وشاديه بالقنية الغاز وجانت مليانه علمود لايخلي يسرح ويمرح بحوش بيتنا وحتى يثبت نفس مكانه بحديقة البيت ..
واحنا جنا كلتنا خاتلين بغرفة الخطار ومنسمع الا صوت مثل الحديد يضرب بالكاع بقوه
ويقترب اكثر من غرفتنا فوحده من الموجودات ويانا كَالت الله اكبر الله اكبر حتى الصواريخ توكع ابيتكم متنفجر هههههههه :66 (55):
وكلها تكَول اللهم صل على محمد وال محمد وضل الصوت يقترب اكثر الى ان شفنا خروف العيد طب علينا
وساحب القنيه الغاز المليانه وراه هههههههههه وكَبل جفت وختل يمنا وشكله المسكين جان كلش خايف
ومدنج براسه ويصيح من خوفه عاد الجماعه كلها ضحكت عليه
وكَالت حتى الخروف مسالم منهم وميريد ايصير شهيد الحرب العراقيه الايرانيه لان مراح ايحصل لا راتب ولا اجر من الله .. وانتهى موقف الذكريات
الله على هذاك الزمان جانت الايام حلوه ويه اهل المنطقه
وان شاء الله اذا اذكر وحده ثالثه هم راح اكتبها هنا ههههههههه
يالله الموضوع سوالي واهس بكتابه المواقف هههههه
اقتباس:
ويقترب اكثر من غرفتنا فوحده من الموجودات ويانا كَالت الله اكبر الله اكبر حتى الصواريخ توكع ابيتكم متنفجر هههههههه http://www.alforat.org/images/smilie...20%2855%29.gif
وكلها تكَول اللهم صل على محمد وال محمد وضل الصوت يقترب اكثر الى ان شفنا خروف العيد طب علينا
وساحب القنيه الغاز المليانه وراه هههههههههه وكَبل جفت وختل يمنا وشكله المسكين جان كلش خايف
هههههههههههههههههههههه
والله يالطيبة الغاليه قرة العين ,,,
الله يسلم ويطيب روحك بالفعل حادثة جداً مضحكه وموطبيعيه
لا وبعد هذا الخروف هم جاي مثل الوادم مامن يريد يدخل ببيتكم
لك مني كل اعتزاز وتقدير على روحك الطيبة
مع اطيب امنياتي للجميع وللموضوع الرائع
اقتباس:
المشاركة الأصلية كتبت بواسطة الحــر
اي والله اخويه الظاهر هذا الخروف العيد شاف
اهل المحله كلها داخله يمنا واحد وره واحد
فهو كَال ويه نفسه هي بقت عليه
خل الحك على روحي قبل ميصير لحمي طشار
والغريب جان باب البيت قريب منه ومفتوح على طوله جان يكَدر الطلي يطلع من البيت وينهزم
بس هو اجه يمنا وختل ههههههههه ويمكن على كَولتك هو حس بالامان يمنه
الله الاعلم
تسلم اخويه الحر على مرورك وحضورك وكلماتك الطيبه
دمت بحفظ المولى
مع التحيه والتقدير